चितवन । चितवनको भरतपुरमा श्रीमानको कुटपिटबाट श्रीमतीको मृत्यु भएको छ ।
Advertisement
भरतपुर महानगरपालिका–४ त्रिचोकमा आज बिहान घरायसी विवादका क्रममा श्रीमानले कुटपिट गर्दा ३२ वर्षीया सपना राना मगरको मृत्यु भएको हो ।
प्रहरीका अनुसार बिहान अन्दाजी ०८:३० बजे जिल्ला स्याङ्जा, चापाकोट गाउँपालिका–६ घर भई हाल भरतपुर महानगरपालिका–४ त्रिचोकस्थित रामजी ढकालको घरमा डेरा गरी बस्ने ३० वर्षीय सुमन राना मगरले आफ्नै श्रीमती सपना राना मगरलाई कोठाभित्र कुटपिट गरेका थिए ।
कुटपिटबाट गम्भीर घाइते भएकी सपनाको घटनास्थलमै मृत्यु भएको प्रहरीले जनाएको छ ।
घटनामा संलग्न श्रीमान् सुमन राना मगरलाई प्रहरीले नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ ।
