बलिउडको नवाब भनिने सैफ अली खानको शाही परिवारबाट आएको कुरा सबैलाई थाहा छ। तर बलिउडमा शाही परिवारका सैफ अली खान मात्र होइनन्।
फिल्ममा आफ्नो अभिनय कौशलले मन जित्ने हरेक स्टारको आफ्नै संघर्षको कथा हुन्छ। हामी तपाईलाई शाही परिवारका यस्ता ५ स्टारहरुको बारेमा बताउँदैछौँ। यद्यपी यी स्टारहरुले धेरै वर्ष मिहिनेत गरेर आफ्नो पहिचान बनाएका छन्।
अदिति राव हैदरी : बलिउड अभिनेत्री अदिति राव हैदरीले धेरै सुपरहिट फिल्ममा काम गरिसकेकी छिन्। आफ्नो कडा परिश्रमको बलमा विशेष पहिचान बनाएकी अदिती राव हैदरी हैदराबादको शाही परिवारबाट आएकी हुन्।
अदितीका हजुरबुवा अकबर हैदरी कुनै समय हैदराबाद रियासतका प्रधानमन्त्री थिए। उनले १८६९ देखि १९४१ सम्म शासन गरे। अदितिका काका पनि असमका गभर्नर भइसकेका छन्। शाही परिवारमा जन्मिएकी अदितीकी आमा विद्या राव पनि शास्त्रीय गायिका थिइन्। अब अदितिले पनि बलिउडमा आफ्नो छुट्टै पहिचान बनाएकी छिन्।
इरफान खान: बलिउडमा थोरै कलाकारहरू छन्, जसले आफ्नो कामबाट भारतदेखि युरोप र हलिउडसम्म आफ्नो अभिनय कौशल प्रमाणित गरेका छन्। ती स्टारमध्ये इरफान खान पनि एक थिए। थिएटरबाट सुरु भएको आफ्नो अभिनय यात्रालाई इरफान खानले विशेष स्थान दिएका छन्।
एकभन्दा बढी हलिउड फिल्ममा आफ्नो अभिनयले मन जितेका इरफान खान पनि राजस्थानको शाही परिवारबाट आएका हुन्। इरफान खानका बुबा राजस्थानको प्रख्यात जमिन्दार थिए। यससँगै इरफान खानकी आमा पनि रोय टोंक हाकिम परिवारकी थिइन्।
मनिषा कोइराला : सन् ९० र २००० को दशकमा बलिउडमा पर्दामा राज गरेकी मनिषा कोरायलालाई अहिले पनि सबैभन्दा सुन्दर अभिनेत्रीमा गनिन्छ। मनिषाले धेरै वर्षदेखि आफ्नो कुर्कुच्चा रगडेर आफ्नो लागि विशेष ख्याति कमाएकी छिन्।
तर के तपाईलाई थाहा छ मनिषा पनि नेपालको शाही परिवारबाट आएकी हुन्। मनिषा काेइरालाका बुवा पनि नेपालमा वातावरणमन्त्री भइसकेका छन्। उनका तीनजना हजुबुवा प्रधानमन्त्री भएका थिए।
भाग्यश्री: ९० को दशककी बलिउडकी शीर्ष अभिनेत्री रहेकी भाग्यश्री पनि महाराष्ट्रको शाही परिवारबाट आएकी थिइन्। भाग्यश्रीको सलमान खानसँगको जोडी सुपरहिट भएको थियो । भाग्यश्रीमा लाखौं मुटु धड्कन्थ्यो।
हाराष्ट्रको सांगली रियासतको राजपरिवारमा जन्मिएकी भाग्यश्रीले करियरको चरम उत्कर्षमा पुगेकी थिइन् । भाग्यश्रीका हजुरबुवा चिन्तामणराव धुन्धिराव पटवर्धन सांगलीका राजा थिए । अंग्रेज कालसम्म भाग्यश्रीको परिवार राजपरिवार जस्तै बस्ने गर्दथ्यो । आज पनि भाग्यश्री आफ्नो पुर्खाको हवेलीमा परिवारसँग बस्छिन्।
सागरिका घाटके : शाहरुख खानको सुपरहिट फिल्म चक दे इन्डियामा प्रीतिको भूमिका खेलेर स्टार बनेकी सागरिका घाटकेले भारतीय क्रिकेटर जहीर खानसँग विवाह गरेकी छन्।
