स्याङ्जा । नेपाली कथानाक चलचित्र ञटुहुरी’को छाँयांकन सुरु भएको छ । चलचित्र ‘टुहुरी’ स्याङ्जास्थित ज्यामिरेको गुरुङ गाँउका बाल कन्यादेवि मन्दिरमा पुजा गरी औपचारिक शुभ मुहर्त गरी छायांकन सुरु गरिएको हो ।
सोमबार भदौ शुक्ल पुर्णिमाको साइत पारेर औपचारिक छायांकन सुरु गरेको चलचित्र ‘टुहुरी’लाई चलचित्रकर्मी एवं वरिष्ठ द्धन्द्ध निर्देशक जनक गुरुङ र निर्मता चीज गुरुङले संयुक्त रुपमा पुजा गरी छायांकन शुभारम्भ गर्नुभयो । चलचित्र छायांकनको शुभआरम्भ गर्नु अघि निर्मता, कलाकार तथा स्थानीय सहयोगीहरुले मन्दिरमा पुजापाठ गरिएको थियो ।
चलचित्र ‘टुहुरी’मा निर्देशन जनक गुरुङ र चलचित्रकर्मी रविन गुरुङले सहनिर्देशन गर्नुभएकोछ । चलचित्रको कथाकारमा सुस्मी गुरुङ९मञ्जु० र पटकथा तथा संवादमा निर्देशक जनक गुरुङ आफैले गर्नुभएकोछ ।
चलचित्रको निर्मतामा रुक आलेमगर, खडग बहादुर गुरुङ, नेत्र तिमल्सिना, देव गुरुङ, चीज गुरुङ र मीन बहादुर गुरुङ रहेको छ । चलचित्रमा आनन्द गुरुङ, रिना गुरुङ, मनोज गुरुङ, तलीसा गुरुङ, काशी गुरुङ, रविन गुरुङ, कुमार सामरी घले, सुवाश गुरुङ, रश्मि गुरुङ, कमला राई९करुण० र राजु किराँत लगायतका कलाकारहरूको अभिनय रहनेछ ।
सो चलचित्रको छाँयांकन क्यामेरा पर्सनमा खेम थापा मगर रहनु भएको छ । र मेकअप आर्टिसमा रुपा गुरुङ रहेकी छिन् । चलचित्रको संगीत आँसु लामाले गर्नुभएको छभने, गीतमा पवित्र गुरुङ, आँसु लामा र सुमिना लामाको स्वर रहेको छ ।
नवज्योति भिजन नेपाल प्रा।लि।को चौंथो प्रस्तुति चलचित्र ‘टुहुरी’ले नेपाली सामाजमा हुने विकृति र विसंगतिप्रति लक्षित गदै चलचित्र मार्फत जनचेतना र सन्देश दिन लागेको निर्देशक जनक गुरुङले बताउनु भयो । निर्देशक गुरुङका अनुसार नेपाली समाजमा हुने विभेदकारी व्यवहारलाई कथा मार्फत चलचित्रमा उतारी पुरानो रुढवादी पराम्परालाई हटाई परिवर्तशील समयमा जनचेतना जगाउन खोजेको बताउनुभयो ।
नवज्योति भिजन नेपाल प्रा।लि।ले यसअघि आफ्नै व्यानरमा निर्माण गरिएको पहिलो “ङोलो ठागु” दोस्रो “पुर्णिमा” र तेस्रो “आफ्नै कर्म” नेपाली कथानक गुरुङ चलचित्र सफतापूर्वक प्रर्दशन गरिसकेको छ । यसअघि निर्माण भएको चलचित्रले देश तथा विदेशमा समेत सफल प्रर्दशन भएको हुदाँ अब बन्ने नयाँ चलचित्र ‘टुहुरी’ले पनि सफलता पाउने सहनिर्देशक रविन गुरुङले बताउनुभयो । उनले अव निर्माण हुन लागेको चलचित्र ‘टुहुरी’ विगतको भन्दा फरक भएको हुदा दर्शक स्रोताको अपार माया पाउनेमा विश्वास रहेको बताउनुभयो ।
त्यसैगरी, चलचित्र “टुहुरी” गाँउले परिवेशमा रहेकी एउटी नारीको कथालाई समावेश गरिने हुदाँ चलचित्रको छाँयांकन ज्यामीरेबाट शुभारम्भ गरी मटकीनामा समापन हुनेछ । चलचित्र छाँयांकनको समय १५ देखि २० दिनसम्म लाग्न सक्ने निर्माता कम्पनीले जनाएको छ ।
