भरतपुर । २०७७ साल सायदै कसैका लागि सुखद बन्यो होला, तर धेरैका लागि पीडामय बनेर गएको छ । एकातिर कोरोनो भाइरसको कहर र अर्कोतिर बाढीपहिरोको त्रास ।
यही सालमा चितवन जिल्लाले कम्युनिस्ट आन्दोलनका उच्च धरोहरलाई गुमाउनु परेको छ, जसले प्रजातन्त्रदेखि जनआन्दोलनसम्म मह¤वपूर्ण भूमिका निर्वाह गरेका थिए । पञ्चायतविरूद्ध लड्ने योद्धा पनि यही वर्ष ढलेका छन् ।
चितवनमा बसेर पञ्चायतविरूद्ध संघर्ष गर्ने हिमबहादुर पियाको २०७७ असोजमा निधन भयो । तत्कालीन भरतपुर नगरपञ्चायतका प्रधानपञ्च एवं भरतपुर नगरपालिकाका पूर्वमेयर हिमबहादुर पियाको ८१ वर्षको उमेरमा निधन भएको हो ।
उनको निधनप्रति नेपाली कांग्रेसका पुराना नेता भीमबहादुर श्रेष्ठले पञ्चायतविरूद्ध लड्ने धरोहर ढलेको बताए । सादा जीवन उच्च विचारका धनी पियाको निधनप्रति सिङ्गो चितवन जिल्ला नै शोकमा रह्यो । भरतपुर महानगरपालिका–२, क्षेत्रपुर निवासी पियाको चितवन मेडिकल कलेज भरतपुरमा उपचाररत अवस्थामा निधन भएको हो ।
२०४३ सालमा भरतपुर नगरपञ्चायतको प्रधानपञ्च र बहुदलीय प्रजातन्त्रको पुनःस्थापनापश्चात् २०५४ सालमा भरतपुर नगरपालिकाको मेयर पदमा विजयी भएका पियाको निधनप्रति चितवनका नेताहरु देवी ज्ञवाली, विजय सुवेदीलगायतले विकासवादी, निस्वार्थी, सफल राजनीतिज्ञ, निष्कलङ्कित नेता गुमेको बताए ।
त्यस्तै, २०७७ सालमै चितवनले पुष्पकमल दाहाल प्रचण्डका राजनीतिक गुरू एवं पुराना वामपन्थी नेता खम्बासिंह कुँवर ‘काजी बा’लाई गुमाउनुप¥यो । मधुमेह, उच्च रक्तचाप, मुटु, मिर्गौला, पिसाबथैलीको रोगबाट पीडित उनको २०७७ माघमा भरतपुर अस्पतालमा उपचारका क्रममा निधन भयो ।
२०३३ सालमा प्रचण्डले गोरखाको आरूघाटमा उनै खम्बासिंह कुँवरबाट पार्टीको सदस्यता लिएका थिए, जतिबेला प्रचण्ड गोरखाको आरूघाटमा शिक्षक थिए । कुँवरसँग प्रचण्डले चौँथो महाधिवेशन (चौम) पार्टीको सदस्यता लिएका थिए ।
नेकपा माओवादी केन्द्रका अध्यक्ष प्रचण्डले आफू अहिले योे ठाउँमा आइपुगेको काजी बाको कारणले भएको बताउँदै आएका छन् । पुराना वामपन्थी नेता खम्बासिंहको पार्थिव शरीरमा पार्टीको झन्डासमेत अध्यक्ष प्रचण्डले ओढाएका थिए । काजी बाको देवघाटमा अन्तिम संस्कारमा समेत उनी पुगेका थिए ।
२०७७ साल असोजमा कम्युनिस्ट आन्दोलनका अर्का धरोहरको रुपमा परिचित जगतबहादुर श्रेष्ठको निधन भयो । उच्च रक्तचाप र मधुमेहबाट ग्रसित उनको चितवन मेडिकल कलेजमा उपचारको क्रममा निधन भएको हो । मोहन वैद्य ‘किरण’निकटको नेकपा माओवादी क्रान्तिकारी पार्टीका केन्द्रीय सल्लाहकारसमेत रहेका श्रेष्ठले चितवनको कम्युनिस्ट आन्दोलनलाई उच्च स्थानमा पु¥याउन मह¤वपूर्ण भूमिका खेलेका थिए ।
तत्कालीन समयमा जगतबहादुर श्रेष्ठ नेपाल कम्युनिस्ट पार्टी क्रान्तिकारीका केन्द्रीय सल्लाहकार थिए । विसं २०१५ सालमा गोरखा क्षेत्र नं १ बाट कम्युनिस्ट पार्टीका तर्फबाट उमेदवार बनेका उनी चितवनमा स्थापित नेताभित्र पर्थे । तत्कालीन माओवादी पार्टी विभाजनपछि वैद्यनिकटको माओवादी पार्टीमा भए पनि समग्र नेपालको कम्युनिस्ट आन्दोलनमा उनको भूमिका विशेष रहेको माओवादी केन्द्रका नेता यमबहादुर परियार ‘इन्द्रजीत’ बताउँछन् । २०७७ सालमा जगतबहादुरजस्ता कम्युनिस्ट आन्दोलनको धरोहरलाई चितवन जिल्लाले गुमायो ।
