तनहुँ । पांँचवटा वडा मात्र भएको देवघाट गाउँपालिकाले सामाजिक विकासमा जोड दिंँदै आर्थिक वर्ष २०७८÷०७९ सालको लागि ४८ करोड ६९ लाख ७८ हजार रुपैयाँ बजेट प्रस्तुत गरेको छ।
बुधबार र बिहीबार भएको आठौँ गाउँसभाबाट उक्त बजेट विनियोजन गरिएको हो। बिहीबार प्रस्तुत गरिएको गाउंँसभामा चालू खर्चतर्फ सशर्त बजेट १९ करोड सात लाख, संघीय समपुरक अनुदान एक करोड ९८ लाख, प्रसाशनिक खर्च, विभिन्न कार्यक्रम र अनिवार्य दायित्वका कार्यक्रमसमेत गरी गरी चालूखर्च ११ करोड ७९ लाख ८५ हजार रुपैयाँ अनुमान गरिएको गाउँपालिकाकी उपाध्यक्ष विमला थापामगरले जानकारी दिइन् ।
यस्तै पूँजीगत खर्चतर्फ सशर्त अनुदान ८८ लाख, विषेश अनुदान दुुई करोड ४९ लाख, गाउँपालिकाको भवन निर्माण सिंच्याङ–सार्वाङ सडकलगायतका योजना कार्यक्रममा १२ करोड ४७ लाख ९३ हजार रुपैयाँ बजेट विनियोजन गरिएको छ । आर्थिक क्षेत्रतर्फ भने कृषि, पशु, स्वास्थ्य, उद्योग, पर्यटन, सहकारी पूूर्वाधारलगायतका विकासको लागि सात करोड ९४ लाख रुपैयाँ विनियोजन गरिएको उनले बताइन् ।
यस्तै सभामा सामाजिक क्षेत्रतर्फ शिक्षा, स्वास्थ्य, खानेपानी तथा सरसफाइ एवम् पूर्ण सरसफाइ कार्यक्रम कार्यान्वयन, धार्मिक, सांस्कृतिक, लैंगिक समानता तथा सामाजिक समावेशीकरण, युवा तथा खेलकुुद र मनोरञ्जनलगायतमा २१ करोड २१ लाख ५० हजार रुपैयाँ बजेट विनियोजन भएको गाउँपालिकाले जनाएको छ।
गाउंँपालिकाले भौतिक पूर्वाधारको लागि १४ करोड ४५ लाख, वातावरण तथा विपद व्यवस्थापनको लागि एक करोड नौ लाख ५० हजार, संस्थागत विकास, सेवा प्रवाह र सुशासनतर्फ संस्थागत क्षमता अभिवृद्धिको लागि दुुई करोड १९ लाख ७८ हजार र कोभिड–१९ व्यवस्थापन कोष, कोभिड भइपरी र पुुँजीगत भैपरी गरी जम्मा एक करोड ८० लाख रुपैयाँ बजेट विनियोजन गरिएको हो।
गाउँपालिकामा विकट क्षेत्र र न्यून जनसंख्या आन्तरिक श्रोत कम भएकोले विकासका योजनामा गाउँपालिकाले छुट्याएको बजेट अपुुग हुने हुँदा आवश्यक थप बजेटको लागि केन्द्र र प्रदेश सरकारसँग माग गर्ने गाउँपालिकाका अध्यक्ष दुुर्गाबहादुर थापामगरले जानकारी दिए।
विगतका वर्षहरुमा भएका अधुरा कार्यक्रमलाई यसवर्ष पूरा गर्न उत्तिकै चुनौति रहेको भन्दै अध्यक्ष थापामगरले थोरै बजेटका बाबजुद सन्तुलित ढंगले बजेट विनियोजन गरिएको बताए ।
