अचानक गायब भएको मदन दश बर्षपछि आफ्नो गाउँमा देखा पर्यो।पहिले ऊ पहाडको एउटा स्कूलमा अङ्ग्रेजी पढाउने गर्थ्यो।
सुन्दरपुरको मदन र उजेलीनगरको दमनबीच आत्मीय नाता,बालसखा।मदन नेपाल आएको दमनले साथी सहनमार्फत थाहा पायो।फोन नम्बर पनि पत्ता लगायो फेसबुकमा साथी पनि भयो।
दमनको प्रोफाइल पिक्चर देखेर मदन झस्कियो। किन? उसैलाई थाहा होला। ” यार मदने,के हो तेरो पारा? अचानक किन गायब भएको?आजसम्म कुनै सम्पर्क पनि छैन!यही हो साथीको साथ?आइज मेरो घर। ” दमनले जति बोलाए पनि मदन आएन।” हुन्छ,हुन्छ ” भन्न छोडेन।
अति भएपछि दमन आफैं मदनको घर आयो। झोक्कियो। ” मबाट त्यस्तो के भूल भयो यार,किन भागेको?
किन नआएको मेरो घर?हाम्रो बाल्यकालको दोस्तीको कसम,सत्य भन्,होइन भने म तेरो जीवनमा कहिले पनि आउनेछैन।” मदन गम्भीर देखियो।
के भन्ने?के नभन्ने?जुन ” अवसाद र अर्बुद ” सित भयभीत भएर उसले गोप्य रूपमा मुलुक छोडेर भागेको थियो,त्यही जोर रोग उसको जीवनमा आउने सम्भावना देख्यो।
” यार,तेरो बिबाह कसरी भयो?” उल्टो प्रश्न गर्यो।दमन जिल्ल। ” किन मेरो बिबाहको कुरो आयो?के नाता छ र मेरो बिबाहसित तेरो?” असजिलोमा पर्यो मदन। कम्मर कस्यो, ” यार,साथीलाई के झुक्याउने,म अमेरिका जानु अघि कहाँ जागीर खान गएको थिएँ ?
त्यो त थाहा छ नि?” ” मेरो ससुरालीमा बसेर पढाएको र मेरै बूढी तेरी चेली।किन थाहा न हुने? ” ” कसरी बिहे भयो तेरो? ” मेरो भिनाजुले जुराए! ”
” दाम्पत्य जीवन कस्तो छ?” ” भो कुरा नगर,राम्री मानेर बिहे गरियो,अति महत्वाकांक्षी र रूपको अति घमण्ड ।भित्र भित्र नारकीय जीवन भोग्न विवश छु। ”
” हेर यार दमन, कामिनीले मलाई पनि मन पराएकी,तर धेरै राम्री केटीसित साबधान भनेर मेरो गुरु प्रोफेसर जगमोहन आजादले सम्झाउनु भएको थियो।यो रोग पुरुषमा पनि हुन्छ।
” म बढी हीरो,र मेरो स्वास्नी नराम्री,जोडी मिलेन,यी दुई रोग ” अवसाद र क्यान्सर,अर्बुद,उता अष्ट्रेलिया पर्थमा एउटा युवाले यसरी नै पत्नीलाई धोका दिएछ।
आजाद सरले सुनाउनुभएको,अति राम्रीहरू दम्भी हुने पक्का,त्यसमाथि भौतिकताको चकाचौधको पनि मोह जाग्यो भने ” अवसाद र अर्बुद ” हुने पक्का।
अब भन्,तेरो घर कसरी जाने म?साथीको पारिवारिक जीवनमा अभिशाप बन्न कसरी जाने?कामिनीको मनमा रहेको प्रेम जागृत भयो र मैले पनि मन थाम्न सकिन भने?अनेक सोचेर नआएको नि! ” मौन भयो मदन,दमन उदास।
” यार,मलाई पनि अमेरिका लैजा,छोड्छु म यो हैजा! ”
दमन र कामिनीको डिभोर्स भयो। साथीसित मदन पनि अमेरिका उड्यो।यता कामिनी एक कुबेरको बाहुपासमा,बिधुर हो कुबेर।
तीन बर्षपछि फेरि अर्को कुबेरसित,यसरी उत्तर आधुनिक द्रौपदी हुन पुगिन् कामिनी। दुनियाँले खासै महत्व दिएन।मदनले दमनको बिबाह उतै गरिदियो,एक एकल महिलासित।
