सनसिल्क दसैँ भाइब्स–२ प्रतियोगिताका विजेताहरुको घोषणा गरिएको छ।
सनसिल्क नेपालले महान चाड दसैँ २०२१ को अवसर पारेर एक डिजिटल कन्टेस्ट ‘सनसिल्क दसैँ भाइब्स’ सञ्चालन गरेको थियो। जसमा प्रतियोगीहरुले आफ्नो राम्रो हेयरस्टाइल र दसैँ भाइब्स प्रदर्शन गरी सहभागी हुन सक्ने थिए। अभियानलाई ६० मिलियनभन्दा बढीको भ्युज प्राप्त भएको थियो भने २ हजार ८०० भन्दा बढी प्रतियोगीले आ–आफ्नो सुन्दर हेयर स्टाइलका साथ दसैँ भाइब्स प्रदर्शन गरेर अभियानर्ले उल्लेख्य सफलता हासिल गरेको थियो।
प्रतियोगिताका विजेताहरुलाई सनसिल्कको सीमित ‘दसैँ प्याक’ संस्करणमा प्रस्तुत हुने विशेष अवसर प्रदान गरिएको थियो। यस प्रकारको योजना नेपालमा पहिलोपटक सुरु गरिएको हो। यी प्याकहरुका माध्यमबाट सनसिल्क ग्याङ अफ गल्र्स हजारौँ नेपाली परिवारहरुसम्म पुगेका छन्।
युनिलिभर.नेपालका प्रबन्ध निर्देशक अम्लान मुखर्जीका अनुसार नेपालमा देशभर बिक्री हुने एवं लाखौँ ग्राहकको रोजाइ बनेको सनसिल्क निःसन्देह नेपालको सबैभन्दा ठूलो सौन्दर्य ब्रान्ड हो।
‘गत वर्ष सन् २०२१ को दसैँ पर्वको दौरानमा आयोजित दसैँ भाइब्स प्रतियोगिताको विजेताहरु सनसिल्क ग्याङ अफ गल्र्सलाई प्रस्तुत गर्न पाउँदा हामी अत्यन्त हर्षित भएका छौँ र प्रतियोगिताले आफैँमा एक अभूतपूर्व सफलता हासिल पनि गरेको थियो। सनसिल्क विश्वास गर्दछ कि जब युवतीहरुले सम्भावनाहरुलाई व्यापक बनाउन पाउँछन् तब उनीहरु जीवन मा अगि बड्दछन र हामीले उनीहरुलाई उनीहरुको सुन्दर कपालको प्रदर्शन गर्ने अवसर प्रदान गरेर सनसिल्क ब्राण्डको प्याकमा आफूलाई प्रस्तुत गर्ने सुनौलो मौका प्रदान गरेका थियौँ’, उनले भने, ‘हामी विश्वास गर्दछौँ कि सुन्दरता सरल हुन्छ र धेरै माध्यमबाट कैद गर्न सकिन्छ। हामी हाम्रा ब्राण्डहरुलाई हाम्रा उपभोक्ताहरुसँगसँगै स्थानीय चाडपर्वहरु र संस्कृतिहरुसँग पनि जोड्न चाहन्छौँ। सनसिल्क दसैँ भाइब्स र सनसिल्क ग्याङ अफ गल्र्स हाम्रो त्यस्तै प्रयासहरुमध्ये एक हो।’
सिजन १ मा प्राप्त सफलतालाई निरन्तरता दिँदै सेप्टेम्बर १, २०२२ मा ‘डबल सेलिब्रेसन’ नाराका साथ सनसिल्क दसैँ भाइब्स २ सञ्चालन गरिएको थियो। जुन प्रतियोगितामा सहभागी बन्न सहभागीहरुले उनीहरुको राम्रो हेयरस्टाइलहरुका साथ दसैँ भाइब्स प्रदर्शन गरेको फोटो वा भिडियो पठाउनुपर्ने थियो।
सहभागीहरुमध्ये ३ जना विजेतालाई रु. १–१ लाख नगद पुरस्कारका साथै प्रिन्सी र प्रिज्मासँग सनसिल्क ग्याङ अफ गल्र्सको नेतृत्व गर्ने र सनसिल्कको प्याकहरुमा प्रस्तुत हुने अवसर दिइएको थियो। यी विजेताहरुको चयनका लागि नायिका वर्षा राउत, गायिका मेलिना राई र केश विज्ञ स्वस्तिका राजभण्डारी रहेका एक निर्णायक मण्डली बनाइएको थियो।
दोस्रो संस्करणको सफलतामा ३७३२ प्रविष्टीहरु प्राप्त भएका थिए। जसलाई डिजिटल प्रचारात्मक सामग्रीहरु एवं प्रत्यक्ष क्रियाकलापहरुको साथ समर्थन रहेको थियो। यस अभियानले टिकटकमा ६६ मिलियनभन्दा धेरै र अन्य सबै डिजिटल माध्यमहरुमा १०० मिलियन भन्दा बढी भ्युज पाउन सफल भएको छ।
सम्भवतः यो नेपालको सबैभन्दा विशाल डिजिटल प्रचार अभियान हो भन्न सकिन्छ। आधुनिक प्रविधिहरु, डिजिटलाइजेसनका साथमा विश्व अगाडि बढीरहेको सन्दर्भमा नेपाल पनि त्यसबाट पनि अघि बढ्नुपर्छ।
सनसिल्क नेपालले तीव्र गतिमा परिवर्तन भइरहेको वातावरणतर्फ आफूलाई अनुकूलन बनाउँदै लगेको छ र डिजिटलाइजेसनमार्फत् सफलता प्राप्त गर्ने एक ब्रान्ड बनेको छ।
सनसिल्क दसैँ भाइब्स २ को अन्तिम चरणको कार्यक्रम २३ नोभेम्बर, २०२२ मा होटल र्याडिसनमा आयोजना गरिएको थियो, जुन कार्यक्रममा सुमित्रा मौराती, प्रिन्सिका श्रेष्ठ र सनिषा भट्टराई विजेता घोषणा गरिएका थियो। प्रत्येक विजेताले रु. १ लाखका दरले नगद पुरस्कार प्राप्त गरेका छन्। यसका साथै उनीहरुले ब्रान्ड एम्बेसेडर प्रिन्सी र प्रिज्मासँगै १ वर्षका लागि सनसिल्क ग्याङ अफ गल्र्स बनेर अर्को वर्ष सनसिल्कको प्याकहरुमा प्रदर्शित हुने अवसर पनि प्राप्त गरेका छन्।
