माडी, चितवन — मिसन रेड अन्तर्गत माडी जेसीज वर्ष २०२५, ब्लड डोनर्स सोसाइटी नेपाल माडी नगर कमिटि, माडी नगर महिला योग समिति, र सृजनशिल महिला समुहको संयुक्त आयोजनामा माडी स्थित बसन्तपुर बजारमा एक बृहत रक्तदान कार्यक्रम सम्पन्न भएको छ। यस कार्यक्रमको अध्यक्षता माडी जेसीज वर्ष २०२५ का अध्यक्ष जेसी ईश्वर रानाभाटले गर्नुभएको थियो।
कार्यक्रमको प्रमुख अतिथि बाग्मती प्रदेश सदस्य माननीय ठाकुर ढकालज्यू रहे भने विशिष्ट अतिथिको रूपमा वडा नं. ३ का अध्यक्ष पुरन महर्जन, भागीरथ बस्याल, कृष्णहरि अधिकारी, गोविन्द नेपाल, डोलनाथ आचार्य, ओमनाथ पाण्डे, रेशमलाल आचार्य, रमेश नेपाली, राकेश चौधरी लगायत उपस्थित थिए। कार्यक्रम संयोजक माडी जेसीज वर्ष २०२५ का कार्यकारिणी उपाध्यक्ष जेसी हरी लम्साल, जेसी सन्तोष तिवारी, र जेसी राम बहादुर पोखरेलले आयोजनाको नेतृत्व गरे।
माडी जेसीजका मानार्थ सदस्य भागीरथ बस्यालज्यूले स्वागत मन्तव्य राखे। प्रमुख अतिथि ठाकुर ढकालज्यूले ब्लड ब्याग हस्तान्तरण गरी कार्यक्रमको शुभारम्भ गरे। नगरपालिकाको जनसंख्या आधारमा माडी नगरपालिकामा धेरै रक्तदाता भएको उल्लेख गरिँदै समुदायले स्वास्थ्य सेवामा गरेको योगदान प्रशंसनीय बताइएको थियो।
यस कार्यक्रममा ६३ जना रक्तदाताले सहभागिता जनाएका थिए, जसमा २३ जना पहिलो पटक रक्तदान गर्ने उत्साही युवा, २८ जना महिला र ३५ जना पुरुष रक्तदाता समावेश थिए। यसले समुदायमा रक्तदानप्रति बढ्दो रुचि र जागरूकता देखाएको छ।
सम्पूर्ण रक्तदाता, स्वयंसेवक, र सहयोगीहरूलाई धन्यवाद जनाइएको छ। गोल्डेन ईमिनेट इन्टरनेशनल प्रा. लि. का संचालक प्रकाश क्षेत्री रिजालज्यूले कार्यक्रममा टि-सर्ट प्रदान गरी सहयोग पुर्याएकोमा विशेष आभार प्रकट गरिएको छ।
माडी जेसीज वर्ष २०२५ ले यस्ता सामाजिक कार्यक्रमहरू मार्फत समुदायमा स्वास्थ्य चेतना बढाउने र रक्तदान जस्ता महत्त्वपूर्ण अभियानहरू निरन्तरता दिने प्रतिबद्धता जाहेर गरेको छ। यस कार्यक्रमले माडी नगरमा सामाजिक एकताको साथै स्वास्थ्य सेवाको महत्त्व प्रति जनचेतना बढाउने महत्त्वपूर्ण भूमिका निर्वाह गरेको छ।
