काठमाडौं । नेकपा एमाले होइन, एमाले अध्यक्ष केपी शर्मा ओली अहिले राजनीतिक घेराबन्दीमा परेका छन् । अन्तर पार्टीबाट मात्रै होइन एमालेकै वरिष्ठ नेताहरुबाट ओली घेराबन्दीमा परेका छन् ।
बालुवाटारबाट बालकोट पुगे पनि ओलीमाथिको घेराबन्दी टुंगिएको छैन । यो अवस्था सृजना हुनुमा ओली कति दोषी होलान्, यसको इतिहासमा मुल्यांकन हो । तर, अहिले आफ्नै पार्टीको सरकार ढालेर विपक्षीको सरकार बनाउने एमालेभित्रको प्रवत्ति फेरि दोहोरिएको छ ।
यसअघि एमालेभित्र तत्कालीन माधवकुमर नेपाल नेतृत्वको सरकार ढालेर झलनाथ खनाल प्रधानमन्त्री बनेका थिए । तर, यसपटक जनादेशविपरीत एमालेको सरकार ढालेर कांग्रेसलाई सत्ता सुम्पिने कार्यमा एमालेकै वरिष्ठ नेता माधवकुमार नेपाल र उनको समूह कम्मर कसेर लागे ।
उनलाई साथ दिनेमा माओवादी केन्द्र पुष्पकमल दाहाल प्रचण्ड रहे । बाँकी दल र नेताहरु आइपरेको लाभको उपभोगमा लागेका छन्, लाग्दैछन् ।
राजनीतिक घेराबन्दीमा परेर सत्ताच्यूत भएका ओली सरकारी निवास बालुवाटारबाट आफ्नो निजी निवास बालकोट सरिसकेका छन् । बालकोट बसेको मंगलबार सातौँ दिन भइसकेको छ ।
सत्ताको राफतापबाट विपक्षी दलको नेताको हैसियतमा रहेका ओली अहिले गर्दैछन् भन्ने आममानिसको चासो छ । ओली प्रतिपक्षमा रहने र बस्ने गरी तयार भइसकेका छन् ।
यता आफ्नै पार्टीको सरकार ढाल्ने र पार्टी विभाजन गराउने कार्यमा लागेका नेताहरुको लिस्ट तयार पारेर आवश्यक कारबाही गर्ने गरी ओलीले तयारी थालेका छन् ।
कांग्रेस सभापतिसमेत रहेका प्रधानमन्त्री शेरबहादुर देउवा नेतृत्वको सरकारलाई विश्वासको मत दिने आफ्ना २२ जना नेताहरुलाई स्पष्टीकरण सोध्ने कार्य ओलीले गरेका छन् ।
उनी अहिले पार्टी एकताका लागि काम गरिरहेका छन् । तर, माधवकुमार नेपाललाई भने अब एमालेमा नफर्काउने एकताको गर्ने गरी ओलीले कदम अगाडि बढाएका छन् ।
नेता नेपालसहित देउवा सरकारलाई विश्वासको मत दिने सबै नेताहरुलाई एमालेमा स्थान नदिने गरी बाँकी नेपाल समूहका नेताहरुलाई फर्काउने ओलीको तयारी छ ।
पार्टी एकतापछि सरकारका काम कारबाहीबारे खबरदारी गर्न आफ्नो पार्टी पंक्तिलाई चुस्तदुरुस्त राख्न ओलीले निर्देशन दिएका छन् ।
बालकोटबाट बालुवाटारको गतिविधिमा ध्यान दिँदै खुमलटार, कोटेश्वरबाट आफूविरुद्ध हुन सक्ने कार्यलाई प्रतिरोध गर्ने गरी ओली तयारीसाथ बसेका उनीनिकट नेताहरु बताउँछन् ।
अहिले देउवा सरकार र नेता नेपाल, प्रचण्डसहित गठबन्धनको गतिविधि नियालिरहेका ओलीले नेता नेपाल, देउवा सरकारविरुद्ध भण्डफोर गर्न भ्रातृ संगठनलाई परिचालन गरेका छन् ।
ओलीनिकट युवा संघ नेपाल र युथ फोर्स देउवालाई प्रधानमन्त्री बनाउन दिएको परमादेश दिने अदालतको फैसलाको भण्डाफोर अभियान थालेका छन् ।
