भदौ ११, काठमाण्डौ ९
लगातारको झरीका कारण पहिरो कारण गए राति देखि अबरुद्ध मुग्लिन-नारायणघाट बन्द सडक खण्ड सञ्चालनमा आएको छ । जिल्ला प्रहरी कार्यलय चितवनका अनुसार बिहान ९ बजेदेखि देखि सञ्चालनमा आएको हो । गएराति ८ बजे सेती दोभानमा ठूलो पहिरो खसेकाले दुुईतर्फी बाटो नै बन्द भएको थियो। प्रहरीका अनुसार सडक सञ्चलनमा आएसँगै गएराति देखि अलपत्र बनेका सवारी गन्तब्य तर्फ प्रस्थान गरेका छन् ।
मुग्लिन-नारायणघाट सडक खण्डको ठाउँ९ठाउँमा पहिरोको जोखिम रहेकाले जोखिम मोलेरै यात्रा गर्नु पर्ने बाध्यता छ । भरतपुर महानगरपालिका २९ सेती दोभान र पाँचकिलोमा पहिरो खस्दा सडक दुवैतर्फ अवरुद्ध भएको हो । उक्त सडक प्रयोग गर्ने यात्रु तथा चालकहरुलाई नारायणगढ मुग्लिङ सडक खण्डको जानकारी लिएर मात्र यात्रा सुरु गर्न अनुरोध गरिएको छ ।
निरन्तर परेको वर्षाले मुग्लिङ९नारायणगढ सडक भासिएको छ । जिल्ला ट्राफिक प्रहरी कार्यालय चितवनका अनुसार भरतपुर २९ को १४ किलोमा सडक भासिएको हो ।यस अघि भिमकाय ढुँगा खसेकै ठाउँमा अहिले सडक भासिएको छ । यस अघि भरतपुर २९ सेतीदोभानमा पहिरो खसेर बाटो दुइतर्फी अवरुद्ध भइरहेको छ ।
