चितवन । ४३ औ बिश्व पर्यटन दिवसको अवसरमा भरतपुर महानगरले भरतपुर देखि बीस हजारी तालसम्म साइकल यात्रा गरेको छ । सेप्टेम्बर २७ तारिखलाइ बिश्व पर्यटन दिवसको रुपमा मनाउने गरिदै आइएको छ । संयुक्त राष्ट्रसंघीय विश्व पर्यटन सङ्गठनको स्थापनासँगै उक्त दिनको सम्झनामा सेप्टेम्बर २७ मा यो दिवस मनाउने गरिन्छ ।
सोही अनुसार आज सेप्टेम्बर २७ लाई महानगरले रामसार सुचिमा सुचिकृत भरतपुरको बीस हजारी ताल सम्मको साइकल यात्रा गरेको हो । यस बर्षको नारा ूपर्यटनलाई पुर्ण बिचारूभन्ने रहेको छ । साइकल यात्रामा भरतपुर महानगरका उप प्रमुख चित्रसेन अधिकारी, विभिन्न शाखा तथा महाशाखाका प्रमुख,समाजसेवी तथा समाजका लब्ध प्रतिष्ठित ब्यक्तिहरु, पत्रकार लगाएतको उल्लेखनीय उपस्थिति रहेको थियोे । कार्यक्रममा भरतपुर महानगरका उप प्रमुख चित्रसेन अधिकारीले भरतपुर महानगर द्वारा प्रकाशित महानगरमा अवस्थित लेकसाइट सर्किटको सक्षिप्त चिनारी नामक ब्रोसरको पनि बिमोचन गर्नु भएको छ ।
कार्यक्रममा बोल्दै उप प्रमुख चित्रसेन अधिकारीले २००३ सालमा रामसार सुचीमा सुचिकृत भएको बीस हजारी ताल चितवनको मात्रै गहना नभएर बिश्व कै बहुमुल्य सम्पत्ति भएको बताउनु भयो । नेपालमा भएका पर्यटकिय गन्तव्यहरुको बारेमा थप प्रचार प्रसार गर्न सकिएको खण्डमा नेपालले बिदेशी पर्यटक र मुद्रा आर्जनमा ठूलो फड्को मार्नेमा बिश्वास समेत व्यक्त गर्नु भयो । उहाँले बीस हजारी तालको सरक्षणमा जुट्न सबैमा आग्रह पनि गर्नु भयो ।
हरियाली वातावरण, अनेक ताल, जीवजन्तु बिशेषगरी भिभिन्न प्रकारका चराहरुले यहाको सौन्दर्य बढाएको छ । तालमा बर्षेनि ठूलो सख्यामा विभिन्न राष्ट्रबाट मौसमी चराहरु बसाइ सरि आउने गर्दछन । तालसम्म पुग्दा जङ्गली जनावरका साथै बिभिन्न प्रजातिका चराचुरुङ्गी ताल वरपर देख्न सकिन्छ । ताल वरपर २६ प्रजातीका वन्जयन्तु, २७३ प्रजातीका चरा, २५ प्रजातीका माछा र १३१ प्रजातीका बोटबिरुवा रहेको तथ्यांक छ । यसका साथै यो आन्तरिक तथा वाह्य पर्यटनको लागी समेत प्रसिद्ध रहेको छ ।
