नेपाली काङ्ग्रेसका वरिष्ठ नेता रामचन्द्र पौडेलले प्रतिनिधि सभा तथा प्रदेश सभा सदस्यको निर्वाचनमा चितवनको लज्जास्पद नतिजा आउनुको पछाडि केन्द्र दोषी रहेको बताउनु भएको छ । नेपाली काङ्ग्रेसको केन्द्रिय समितिले सहि तरिकाबाट टिकट बितरण नगर्दा चितवनको नतिजा निकै दुख लाग्दो आएको समेत प्रष्ट पार्नु भयो ।
कार्यकर्ता भेटघाटका क्रममा बिहिवार चितवन आइपुग्नु भएका नेता पौडेलले चितवन काङ्ग्रेस माथी केन्द्रले सधै थिचोमिचो गरिरहेको समेत जिकिर गर्नु भयो । गत मसिर ४ गते सम्पन्न भएको प्रतिनिधि सभा तथा प्रदेश सभा सदस्य निर्वाचनको सबै मतपरिणाम आइसकेपछि मात्रै गठ्बन्धनको सरकार बन्नेमा आफू बिश्वस्त समेत रहेको बताउनु भयो ।
गठबन्धन कै सरकार बन्छ, नेता पौडेलले भन्नू भयो त्यसको नेतृत्व पनि म आफैले गर्छु । नेपालको राजनीतिमा मैले गरेको लगानी र त्यागको उच्च मुल्यांकन गर्दै देशले मेरो नेतृत्वको सरकार खोजिरहेको छ नेता पौडेलले भन्नू भयो, गठबन्धनको सरकारमा अब मेरो विकल्प छैन । फरक प्रसगमा उहाँले पार्टी भित्र आत्मसमीक्षा गर्नु पर्ने समय आएको भन्दै काङ्ग्रेस समालिन आबश्यक रहेको टिप्पणी गर्नु भयो ।
काङ्ग्रेस भित्र आफुले गल्ती गर्ने चलन छ तर आत्माआलोचना गर्ने चलन नहुँदा आज यो अवस्था आएको हो नेता पौडेलको भनाइ रहेको छ ।
