रुस–युक्रेन युद्धको बीचमा रुसी राष्ट्रपति भ्लादिमिर पुटिनले सोमबार क्रिमिया पुलको भ्रमण गरेका छन् । यो रुस र क्रिमिया जोड्ने पुल हो। यो पुल अक्टोबरमा भत्किएको थियो । यस पुलमा भएको हमलापछि रुसले कडा प्रतिक्रिया दिँदै युक्रेनमा कैयौं बम प्रहार गरेको थियो । यो १९ किलोमिटर लामो पुल रुसका लागि निकै महत्वपूर्ण छ ।
एजेन्सीका अनुसार युक्रेनमा बम विष्फोट भएको केही महिनापछि राष्ट्रपति पुटिनले क्रिमियन ब्रिजको भ्रमण गरेका थिए। क्रिमिया पुलमा उनले कार पनि चलाएका थिए। रुसी राष्ट्रपतिले केर्च ब्रिजका निर्माणकर्तासँग पनि कुरा गरेको बताइएको छ । युक्रेनको सुरक्षा सेवाले भर्खरै यो पुललाई निशाना बनाएर भारी बमबारी गरेको थियो। यस आक्रमणमा क्रिमिया पुल ध्वस्त भएको थियो। त्यसयता मर्मत भइरहेको थियो ।
यस पुलको सैन्य महत्वको अनुमान यस तथ्यबाट गर्न सकिन्छ कि फेब्रुअरी २४ मा युक्रेनमा भएको हमलापछि रुसले यस पुलबाट क्रिमियामा आफ्नो सैन्य बल पठाउँदैछ। क्रिमियाबाट नै रुसले दक्षिणी युक्रेनको खेरासान र जापोरोजियालाई सजिलै कब्जा गर्न सक्छ। यो पुल रुससँगको दूरसञ्चार सम्पर्क बनाउने महत्वपूर्ण माध्यम पनि हो।
यो पुलमा भयानक विस्फोट भएको थियो । विस्फोटबाट पुलमा ठूलो क्षति पुगेको छ । विस्फोटका कारण पुलमा बनेको रेलमार्ग जलेर सडक लाइन ध्वस्त भएको छ । यस पुलबाट गुज्रिरहेको कार्गो ट्रेनबाट निस्किरहेको आगो मिडियाको हेडलाइन बनिरहेको थियो र यी तस्विरहरूले पुटिनको प्रतिष्ठामा गहिरो चोट पुर्याएको थियो।
यो पुलमा ट्रकबाट आक्रमण भएको हो । ट्रकमा विस्फोटक पदार्थ रहेको रुसले जनाएको छ । उसले यो आक्रमणलाई आतंकवादी कार्य भनेको छ । यो आक्रमण तुजला टापु र केर्च बीच भएको थियो।
पुटिनले भनेका छन्, “यो स्पष्ट छ कि युक्रेनी गोप्य सेवाले पुलमा आतंकवादी हमला गराएको थियो।” युक्रेनले पुलमा भएको विस्फोटको जिम्मेवारी लिएको छैन तर उत्सव मनाएको छ।
