नेपाल कृषि मेशिनरी व्यवसायी संघकाे आयोजनामा भाेलिदेखि ‘ कृषि मेशिनरी, प्रविधि उद्योग व्यवसाय विस्तार कार्यक्रम – २०८० ’ कार्यक्रम, सातै प्रदेशमा गरिने
निराज रानाभाट, काठमाडौं : नेपाल कृषि मेशिनरी व्यवसायी संघकाे आयोजनामा भाेलिदेखि ‘ कृषि मेशिनरी, प्रविधि उद्योग व्यवसाय विस्तार कार्यक्रम – २०८० ’ कार्यक्रम सातै प्रदेशमा गरिने भएको छ । संघले संघमा आवद्ध रहेका समग्र कृषि मेशिनरी, प्रविधि, उद्योगी व्यवसायीहरुलाई आ – आफ्नो व्यवसाय मार्फत देशको कृषि उत्पादन वृद्धि गराउन सहयोग पुगोस् भन्ने उद्देश्यले उक्त कार्यक्रमको आयोजना गरेको हो । सम्बन्धि विज्ञद्वारा कृषि औजार प्रविधि तथा मल बीउ – विजनको बारेमा आवश्यक जानकारी दिँदै स्थानिय बिक्रेता, उद्योगी व्यवसायीहरुलाई कृषि र पशुपालन व्यवसायसँग जोडिएका नयाँ प्रविधि उत्पादन, वस्तुको गुणस्तर मूल्य लगायतका विषयमा सुसूचित गराउनको लागि उक्त कार्यक्रमको गर्न लागेको संघले जनाएको छ । साथै स्थानिय व्यवसायी, स्वदेशी उद्योगी तथा आयातकर्ताहरुको प्रत्यक्ष भेट गराई आवश्यक प्रविधिको जानकारी गराउने उद्देश्यले सातै प्रदेशका व्यवसायीहरुलाई समेट्ने गरी संघले आयोजना गरेको हरेक प्रदेशका स्थानिय व्यवसायीहरुलाई १ / १ दिने अभिमुखीकरण कार्यक्रम नेपाली कृषि उद्योगीहरुको लागि कोशेढुङ्गा सावित हुने छ भन्ने विश्वास गरेको छ ।
कार्यक्रम हुने स्थान र मिति निम्नानुसार छन् ;
१. कोशी प्रदेश : कृषि अनुसन्धान निर्देशनालय, तरहरा ( इटहरी ) मा साउन १९ गते, शुक्रबार
२. मधेश प्रदेश : एग्रिकल्चर मेशिनरी टेस्टिङ सेन्टर, नवलपुर, (सर्लाही ) मा साउन २१ गते, आइतबार
३. वाग्मती प्रदेश : तारापुञ्ज रिसोर्ट प्रा.लि., भरतपुर ( चितवन ) मा साउन २३ गते, मंगलबार
४. गण्डकी प्रदेश : कृषि विकास निर्देशनालय सभा हल, मालेपाटन, पोखरा ( कास्की ) मा साउन २५ गते, बिहीबार
५. लुम्बिनी प्रदेश : कृषि विकास बैंक लिमिटेड, पश्चिमान्चल क्षेत्रीय तालिम केन्द्र, मङ्गलापुर ( रुपन्देही ) मा साउन २७ गते, शनिबार
६. कर्णली प्रदेश : कृषि तथा पशुपन्छी व्यवसाय प्रबर्द्धन पशिक्षण केन्द्र, वीरेन्द्रनगर ( सुर्खेत ) मा साउन २९ गते, साेमबार
७. सुदुर पश्चिम प्रदेश : पशु सेवा तालिम केन्द्र, धनगढी ( कैलाली ) मा साउन ३१ गते, बुधबार
कृषि मेशिनरी प्रविधी व्यवसायसँग सम्बन्धित व्यवसायीहरुलाई संगठित गराउँदै सेवाको दायरा र गुणस्तर बढाउने कार्यक्रमको मुख्य उद्देश्य रहेको संघले जनाएको छ ।
कार्यक्रमहरू :
१. उद्घाटन सत्रमा प्रत्येक प्रदेशका माननिय कृषि मन्त्री, कृषि सचिव र सम्बन्धित प्रदेशका कृषि तथा पशु कार्यालयका प्रमुख र अधिकृतहरू
२. कर सम्बन्धि अभिमुखीकरण तालिम सम्बन्धित प्रदेशबाट उपस्थित हुनुहुने आन्तरीक राजश्व कार्यालयका कर अधिकृत ।
३. कृषि प्रविधी र यान्त्रीकरणमा भएका नविनतमा उपलब्धिहरूको प्रस्तुती डा. ई. जीत चन्द्र
४. सहभागिता हुनुहुने व्यवसायी तथा उद्योगीहरू : प्रत्येक प्रदेशका स्थानीय व्यवसायीहरू कम्तिमा १ सय जना
५. कार्यक्रम मुख्य प्रायोजक र प्रादेशिक प्रायोजकद्वारा आफूसँग उपलब्ध प्रविधिहरुको बारेमा विविध पक्षको जानकारी गराउने र सबै स्थानिय व्यवसायीहरुका बीच आ – आफ्नो स्टलमा विदु वि को लागि छलफल चलाउने ।
६. कार्यक्रममा सहभागीहरुलाई मायाको चिनो तथा प्रमाण – पत्र प्रधान गरिने
कार्यक्रमको मुख्य प्रायोजकहरू ;
१. एन टि एस इन्डस्ट्रिज प्रा.लि.
२. कुवेर एण्ड सन्स ट्रेड प्रा.लि.
३. एस के टी नेपाल प्रा.लि.
४. NEPCOOL
५. आधुनिक कृषि किसान संसार
कार्यक्रमको प्रादेशिक प्रायोजक ;
१. मोर्डन एग्रो टेक्नोलोजी
२. नारायणी मेशिन्स प्रा.लि.
३. अबिफोट प्रा.लि.
४. नयाँ तुलसी ग्रुप
यस कार्यक्रमले आगामी दिनमा कृषि मेशिनरी प्रविधि व्यवसायीहरुलाई आफ्नो व्यवसाय वृद्धि गर्न र भविष्यमा नयाँ प्रविधिको उच्चतम प्रयोग गराउन टेवा पुग्ने छ भन्ने विश्वास संघले लिएको छ । यस कार्यक्रमको माध्यमबाट व्यवसायीहरुले सम्बन्धित विषयका विज्ञहरुसँग अन्तरक्रिया, कृषि औजार प्रविधि तथा मल साथै बीउ – विजनको बारेमा आवश्यक जानकारी र नयाँ प्रविधिसँग भिज्ने अवसर प्राप्त गर्ने संघले बताएको छ । स्थानिय व्यवसायी, स्वदेशी उद्योगी तथा आयात कर्ताहरुसँगको प्रत्यक्ष भेटले नयाँ आयाम ल्याउने विश्वास रहेको संघले बताएको छ ।
