आज भन्दा करिब १ वर्ष अघि देखि म भरतपुर अस्पताल वरिपरि नै थिए | कोरोनाले सताई रहेको समयमा म प्रायजसो भरतपुर अस्पतालको ब्लड बैंक मै हुने गर्थे | कोरानाको समयमा रक्तदान हुन नसकेको हुनाले रगतको निकै अभाब थियो | त्यो समयमा हामी त्यहा बसी भरतपुर महानगरपालिकाका २९ वटै वाडका युवाहरुलाई सम्पर्क गरि लगभग २५७ जनालाई प्रत्यक्ष वा अप्रत्यक्ष सेवा दिन सकेका थियौ | फोन गरेर आउनु भएको र फोन नगरिआउनु भएको सम्पूर्ण व्यक्तिहरुलाई हामी धन्यबाद दिन चाहन्छौ |

Advertisement

भरतपुर महानगरपालिका शैक्षिक प्रशासन महाशाखाका प्रमुख महेन्द्र प्रसाद पौड्यालज्युको पहल कदमी भरतपुर अस्पतालको सहकार्य र महानगर भित्र रहेका विभिन्न संग सस्था( WAY Group नेपाल, सन्देश फाउन्डेसन, यात्रा ग्रुप, सेवा र बिकासका लागि युवा, शंकर सितल प्रतिष्ठान, सिस्टर हुड नेपाल, र लियो क्लब ) को पहलमा आस्पताललाइ नमुना अस्पताल बनाउने कोसिसमा हामी अघि बढ्यौं |

त्यसक्रममा अस्पताललाइ नमुना अस्पताल बनाउन त्यहाँका कार्यालय प्रमुख, ब्यबस्थापन समितिका अध्यक्ष, सदस्य र असपतालका केहि कर्मचारीहरुको निकै नै ठुलो सहयोग मिल्यो | हामीले अहिले सहजै सुइकार गर्न सक्छौ कि अहिले अस्पताल परिसरमा केहि भएनी सुधार देखिएको छ | त्यो सुधार हामीले कसरि महसुस गर्न सक्छौ भने अस्पतालको २ नम्बर गेटबाट छिर्ने बितिकै एउटा सुन्दर बगैचा देखन्न सक्छौ |

साथमा रहेको एम्बुलेस पार्किंग र निसुल्क सेवाग्राही पार्किंग केहि भएनी व्यवस्थित देख्न सकिन्छ | रातको समयमा अस्पताल जाने बाटोमा झलमल बलेको बत्ति देख्न सकिन्छ | त्यहा हुने सेवाग्रहिको भिड पहिला भन्दा केहि भएनी व्यवस्थित बनाइएको छ , हरेक कुराको सेवा एकै ठाउमा नभई कामको बाड-फाड गरि समयमै सेवा दिने कार्य भएको छ |

तपाइँ हामीले देख्न सक्छौ कि कोरानाको ब्यबस्थापनको लागि कति चाडो अस्पतालले ब्यबस्थापन गर्न थालिसकेको छ |हामीले अस्पताल घुमिरहदा र हेरिरहदा यस्ता केहि समस्या देखियो, पहिलो समस्या त्यस अस्पतालको मेसु मन्त्री चेन्ज हुने बित्तिकै चेन्ज हुने | यदि साच्चै अस्पताल बन्नु पर्छ बनाउनु पर्छ भन्ने हो भने त्यहा आउने जुनकुनै मेसुलाई कम्तिमा पनि ३ बर्ष निर्धक्क भएर काम गर्ने दिनु पर्छ | अब मेशुलाइ निस्क्षित समय काम गर्ने दिने बाताबरण बनाउन व्यवस्थापन समितिले यो कुरा सम्बधित ठाउमा उठाउनु पर्छ | यदि साथ र सहयोगको खाचो पर्छ भने हामी सबै यो कुरामा साथ दिन तयार छौ |

अस्पतालको मातृशिशु कक्षका कुनै पनि बत्तिका सुइच काम नगर्ने | अस्पतालमा जाडोको समयमा जन्मेका बच्चालाई हिटर आवस्यक पर्न सक्छ तर कस्तो इन्जिनियरिंग हो कुनै पनि सुइच काम नगर्ने र काम गरेपनि उपयुक्त ठाउमा नहुने | तयसैले अब बन्ने नया भवनमा यस्को पनि ख्याल गर्नु होला |

कुनै पनि सस्थाले अस्पतालमा गरेको सहयोग जस्तै रोटरीले दिएको पानि धारा, मरवाड्डी सेवा समाजले दिएको पानि धारालाइ त्यहि सस्थाले बनाउने काम गर्दैन भने तुरुन्त हटाउने | अस्पतालकै कर्मचारीले जथाभाबी सवारी पार्किंग गर्नाले |अस्पताल छिर्ने बाटो अस्थ व्यस्थ देखिन्छ| त्यसैले त्यस अस्पतालमा काम गर्ने साथीहरुलाई पार्किंग स्थल कुन हो भने सुचना दिनु हुन अस्पताल ब्यबस्थापन समितिलाई अनुरोध गर्दछौ |

आफुले जिम्मेवारी पाए मात्र जिम्मेवारी बहन गर्ने नत्र हात बानेर बस्ने बानीलाई छाड्न नसक्नु र अरुको अस्तित्व स्वीकार्न नसक्नु पनि अर्को समस्या देखियो | साथै यो समस्या समाधाका लागि अस्पताल समिति निकैनै जिम्मेवारीका साथ आघि बढ्ने छ भन्नेमा हामी आशावाधी छौ |

सन्देश वाग्ले – भरतपुर अस्पताल सरसफाई अभियानका प्रमुख अभियन्ता हुनुहुन्छ।