काठमाडौं। बैशाख १६ गतेदेखि काठमाडौं उपत्यकाभित्र निषेधाज्ञा जारी गर्यो। त्यसपछि अन्य जिल्ला र क्षेत्रमा पनि निषेधाज्ञा गरिएको थियो। कोरोना संक्रमणकोबाट निषेधाज्ञा हुँदा हवाइ क्षेत्र पनि प्रभावित भयो। आन्तरिक र बाह्य उडान समेत बन्द गर्यो।
गएको एक महिना अर्थात मे महिनामा त्रिभुवन अन्तरराष्ट्रिय विमानस्थल कार्यालय हुँदै १२ हजार नेपाल भित्रिएका छन्। अध्यागमन विभागले सार्वजनिक गरेको मे महिनाको तथ्याङ्क अनुसार १२ हजार ४०० जना नेपाल भित्रिएका हुन्। जसमा एक हजार ४६८ जना विदेशी नागरिक र १० हजार ९३२ जना नेपाली नागरिक स्वदेश भित्रिएका छन्।
मेमा नेपाल भित्रने भन्दा बाहिरिनेको तथ्याङ्क दोब्बर छ। सो अवधिमा २३ हजार १३५ बाहिरिएका छन्। बाहिरिनेमध्ये नौ हजार ९७७ विदेशी र १३ हजार १५८ जना नेपाली छन्। अन्य महिनाको तुलनामा मेमा कम सङ्ख्यामा विदेशी नेपाल भित्रिएका छन्।
कोरोना महामारी र लामो समयको निषेधाज्ञापछि नेपालमा सबैभन्दा धेरै पर्यटक अप्रिलमा नेपाल भित्रिएका थिए। विभागको तथ्याङ्क अनुसार अप्रिलमा १४४ देशबाट २२ हजार ४५० जना विदेशी नेपाल भित्रिएका थिए। यस्तै, गत अप्रिलमा त्रिभुवन अन्तरराष्ट्रिय विमानस्थल हुँदै ५१ हजार ७७५ नेपाली विदेशिएका छन्।
