काठमाडौं – कर्णाली प्रदेश सरकारले आगामी आर्थिक वर्ष २०७८/०७९ को बजेट सार्वजनिक गरेको छ ।
Advertisement
मंगलबार बसेको प्रदेशसभाको बैठकमा आर्थिक मामिला तथा योजना मन्त्री गोपाल शर्माले कर्णाली प्रदेशमा कुल ३६ अर्ब ५४ करोड ६६ लाख ३६ हजार रुपैयाँ बराबरको बजेट विनियोजन गरिएको जानकारी दिए ।
उनले पुँजीगततर्फ २१ अर्ब ६५ करोड ३९ लाख १३ हजार रुपैया, चालुतर्फ ११ अर्ब ४९ करोड २७ लाख ७० हजार रुपैया र वित्तीयतर्फ तीन अर्ब ३९ करोड ९९ लाख ५३ हजार रुपैयाँ बजेट विनियोजन गरिएको बताए ।
उनले यस प्रदेशमा स्वास्थ्य क्षेत्रलाई बजेटमा पहिलो प्राथमिकता दिइएको बताए । उनले कोरोना नियन्त्रणको लागि ५३ करोड ९३ लाख रुपैयाँ बजेट विनियोजन गरिएको बताए ।
