काठमाडौं – कोपा अमेरिका अन्तर्गतको फाइनल खेल शनिबार बिहान हुँदैछ । फाइनलमा ब्राजिल र अर्जेन्टिना भीड्दैछन्। ब्राजिलको ओलम्पिक मैदानमा हुने उक्त खेलमा ब्राजिल र अर्जेन्टिना उपाधि जित्ने दाउमा छ ।

Advertisement

बुधबार बिहान अर्जेन्टिनाले कोलम्वियालाई टाइब्रेकरमा ३–२ गोलले पराजित गर्दै फाइनलमा ब्राजिलसँगको भेट पक्का गरेको हो । उक्त खेलमा मार्टिनेजले तीन पेनाल्टी बचाएपछि अर्जेन्टिनाले जित निकालेको हो ।

यस्तै मंगलबार बिहान भएको सेमिफाइनल खेलमा ब्राजिलले पेरुलाई १–० गोलले पराजित गर्दै फाइनलमा प्रबेश गरेको थियो । शनिवार हुने ब्राजिल र अर्जेन्टिनाबीचको उपाधि भीडन्त निकै रोमान्चक हुनेछ ।

यसअघि अर्जेन्टिना सन् २०१६ मा कोपा अमेरिकाको फाइनलमा प्रवेश गरेको थियो । यी दुई टिम सन् २००७ पछि पहिलो पटक कोपा अमेरिकाको उपाधिको लागि भीड्न लागेका हुन् ।