चितवन : चितवनमा जारी निषेधाज्ञा थप कडाईका साथ भदौ १० गते राति १२ बजेसम्मका लागी थपिएको छ ।
जिल्ला प्रशासन कार्यालय चितवनले विज्ञप्ति जारी गर्दै भदौ १० गतेसम्म निषेधाज्ञा थपिएको हो । नयाँ भेरियन्ट सहितको कोभिड ९१ ९को संक्रमणको जोखिम बढ्दै गएकाले यसको रोकथामका लागि निषेधाज्ञामा थप कडाइ गरिएको प्रशासनले जनाएको छ ।
चितवन जिल्लाका प्रमुख जिल्ला अधिकारीबाट जारी आदेश :
विश्वव्यापी महामारीको रुपमा फैलिरहेको कोभिड -१ ९ को संक्रमण दर यस जिल्लामा निरन्तर बढ्दै गएको हुँदा उक्त संक्रमणको रोकथाम र नियन्त्रणका लागि कोभिड -१ ९ संकट व्यवस्थापन सम्बन्धमा व्यवस्था गर्न बनेको अध्यादेश , २०७८ को दफा ( ४ ) , संकामक रोग ऐन २०२० को दफा ( २ ) र स्थानीय प्रशासन ऐन २०२८ को दफा ( ६ ) को उपदफा ( ३ ) ले दिएको अधिकार प्रयोग गरी मिति २०७८।०४।३२ गते राति १२:०० बजे देखि मिति २०७४।०५।१० गते राति १२:०० बजेसम्म चितवन जिल्लाभर लागू हुनेगरी निषेधाज्ञा आदेशलाई निरन्तरता दिइएको व्यहोरा अनुरोध छ । यो आदेशको उल्लघंन गरे गराएको पाइएमा प्रचलित कानून बमोजिम कारबाही हुने व्यहोरा समेत जानकारी गराइन्छ ।
क ) अत्यावश्यक काम नपरी घर बाहिर ननिस्कने । अत्यावश्यक काम परी निस्कनै पर्दा अनिवार्य रूपमा मास्कको प्रयोग गर्ने , भौतिक दुरी कायम गर्ने तथा भिडभाड नगर्ने नगराउने ।
ख ) संचालन गर्न नपाइने सेवा तथा कार्य :
- भौतिक रूपमा उपस्थित भई हुने सबै प्रकारका सभा , सम्मेलन , प्रदर्शन , भेला , सेमिनार , तालिम जावा , महोत्सव सञ्चालन ।
- जिल्ला स्थित सरकारी कार्यालयहरू मध्ये बढी भिडभाड हुने जिल्ला प्रशासन कार्यालय , मालपोत कार्यालयहरु , नापी कार्यालयहरु र यातायात व्यवस्था कार्यालयले अत्यावश्यक तथा आन्तरिक कार्य बाहेक नियमित सेवाप्रवाह स्थगन गर्ने ।
- सिनेमा , पार्टी प्यालेस , हेल्थ क्लब , दोहोरी रेष्टुरेन्ट , फनपार्क , फुटसल , फिटनेस सेन्टर , जिमखाना , ठेला तथा फुटपाथ पसल , स्पा , स्वीमिङ्ग पुल , सपिङमल , मनोरजनस्थल , स्ट्रिटफुड पसल , ब्युटी पार्लर तथा सैलुन सञ्चालन ।
- विश्वविद्यालय , क्याम्पस , विद्यालय लगायत सबै शैक्षिक संस्थाहरूमा भौतिक रुपमा उपस्थित भई हुने पठन / पाठन लगायतका शैक्षिक गतिविधि सञ्चालन ।
- मठ , मन्दिर , मस्जिद , गुम्बा तथा चर्च लगायतका धार्मिक स्थलमा दैनिक नित्य पूजा बाहेक मनिसहरु समूहमा जम्मा । भेला भई गरिने अन्य धार्मिक , साँस्कृतिक एवं सामाजिक गतिविधि ।
ग ) संचालन गर्न पाइने सेवा तथा कार्य :
- औषधि , अक्सिजन सिलिण्डर तथा स्वास्थ्य सामग्री सम्बन्धी पसल एग्रोभेट तथा भेटेरीनरी औषधि पसल , बीउविजन , रासायनिक मल पसल , पेट्रोल पम्प र मोटर वर्कसप सञ्चालन ।
- स्थानीय तह लगायत जिल्ला स्थित सबै सरकारी कार्यालयहरुले जनस्वास्थ्यका निर्धारित मापदण्ड अनिवार्य रूपमा पालना गर्ने सुनिश्चितता गरी संक्रमणको जोखिम र भिडभाडको अवस्थाको विश्लेषण गरी आलोपालो प्रणाली अवलम्बन गरी भिडभाड नहुने प्रबन्ध मिलाई सेवा प्रवाह गर्ने ।
- खाद्यान्न , तरकारी , फलफूल , दूध डेरी माछा / मासु , अण्डा , चल्ला , दाना , खाना पकाउने ग्याँस सम्बन्धी पसल , पूजा सामग्री पसल दैनिक बिहान १०.०० बजेसम्म सञ्चालन गर्न पाइने ।
- इलेक्ट्रिकल तथा इलेक्ट्रोनिक्स पसल , भाँडा पसल , कपडा पसल , फेन्सी पसल , कस्मेटिक तथा गिफ्ट पसल , सुनचाँदी पसल , फर्निचर तथा फर्निसिङ , अटोमोबाइल , मोटरपार्ट्स , जुत्ता चप्पल , टेलरिङ , पुस्तक तथा स्टेशनरी , निर्माण सामग्री लगायतका अन्य व्यापारिक पसल आइतबार , मंगलबार र विहिबार दिउसो १२:०० देखि साँझ ६:०० बजे सम्म सञ्चालन गर्न पाइने ।
- खाजा घर , रेष्टुरेण्ट र मिठाई पसलहरु दैनिक दिउसो १२:०० बजे देखि बेलुकी ६:०० बजेसम्म मात्र सञ्चालन गर्न पाइने ।
- जनस्वास्थ्यका निर्धारित मापदण्ड अनिवार्य रूपमा पालना गर्ने सुनिश्चितता गरी बैंक तथा वित्तीय संस्था , सहकारी , विमा तथा रेमिट सेवा सञ्चालन गर्न पाइने तर वित्तीय तथा सहकारी संस्थाबाट घरदैलोमा गई रकम संकलन तथा समूह भेला सञ्चालन गर्न नपाइने ।
- उद्योग / कलकारखानाको हकमा जनस्वास्थ्यका निर्धारित मापदण्ड पालना गरी सञ्चालन गर्ने । नियमित कामदारहरुको स्वास्थ्य परीक्षणको व्यवस्था गर्ने ।
- होटेल / लज सञ्चालन सम्बन्धमा जनस्वास्थ्यका निर्धारित मापदण्ड पालन गरी कुल कोठा संख्याको एक तिहाई संख्या नबढ्ने गरी सञ्चालन गर्न पाइने । कोठाहरु प्रत्येक दिन अनिवार्य रुपमा निसंकमण ( disinfection ) गर्ने ।
घ ) संचालन गर्न पाइने सवारी साधनहरु :
१. अत्यावश्यक सेवामा प्रयोग गरिने सवारी साधनहरु , सरकारी कार्यालयका सवारी साधनहरु , खाद्यान्न लगायत अत्यावश्यक उपभोग्य सामग्री ढुवानी गर्ने सवारी साधनहरु , निर्माण सामग्री ढुवानी गर्ने सवारी साधनहरु , मालवाहक सवारी साधनहरु , सरसफाई तथा फोहोर मैला व्यवस्थापन कार्यमा प्रयोग हुने सवारी साधनहरु ।
२. समाचार संकलन / संप्रेषणका लागि परिचय पत्र बाहक संचारकर्मीले प्रयोग गरेका र पत्रपत्रिका वितरणका लागि प्रयोग भएका सवारी सधान ।
३. अन्तर्राष्ट्रिय उडानबाट विदेश जाने यात्रुहरूको हकमा हवाइ टिकट , पासपोर्ट र भिषाको निस्साको आधारमा सिधै एयरपोर्ट सम्म जाने सवारी साधन ।
४. राजमार्ग भई अन्य जिल्लामा जाने सवारी साधनहरु ।
५. जिल्ला भित्र संचालन हुने सार्वजनिक तथा निजी सवारी साधनमा जोर गते जोर नम्बर र विजोर गते विजोर नम्बरका सवारी साधनमा देहायका मापदण्ड पालना गर्नेगरी सञ्चालन गर्ने :
- सिट क्षमता भन्दा बढी यात्रु नराख्ने ।
- सबै यात्रुहरुले अनिवार्य रुपमा मास्क लगाउने ।
- मास्क नलगाउने यात्रुलाई सवारी साधनमा प्रवेश गर्न नदिने ।
- चालक र सहचालकले अनिवार्य मास्क लगाउने ।
- सवारी साधनको ढोकामा स्यानिटाइजरको व्यवस्था गर्ने ।
- सवारी साधन दैनिक निसंक्रमण ( disinfection ) गर्ने ।
६. यस जिल्लाबाट छुट्ने मध्यम तथा लामो दुरीका सार्वजनिक सवारी साधनको हकमा माथि ५ नं बुंदामा उल्लेखित मापदण्ड अनिवार्य रुपमा पालना गर्ने / गराउने गरी अत्यावश्यक प्रयोजनमा सम्वन्धित यातायात व्यवसायी संघ / समितिको सिफारिस एवं जिल्ला ट्राफिक प्रहरी कार्यालयको समन्वयमा सीमित संख्यामा संचालन गर्ने ।
ङ ) संक्रमण दर घट / बढ भएमा यस आदेशमा भएका व्यवस्थाहरु जुनसुकै समयमा पनि पुनरावलोकन गर्न सकिनेछ । च ) सम्बद्ध सबै पक्षको सहयोग तथा समन्वयमा ” मास्क अभियान ” प्रभावकारी रूपमा सञ्चालन गर्ने ।
छ ) साथै उल्लिखित आदेशको पालना तथा कार्यान्वयनमा आवश्यक सहयोग , समन्वय तथा सहजीकरण हुन सम्बद्ध सबै सरोकारवाला तथा आम चितवनबासी दिदीबहिनी तथा दाजुभाइ समक्ष हार्दिक अनुरोध छ ।
