काठमाडौं । अमेरिकी सहयोग नियोग मिलेनियम च्यालेञ्ज कर्पोरेशन ९एमसीसी०का उपाध्यक्ष फतिमा सुमार र ऊर्जा, जलस्रोत तथा सिँचाइमन्त्री पम्फा भुसालबीच भेटवार्ता भएको छ ।
उनीहरुबीच शुक्रबार मन्त्रालयमा भएको भेटमा दिगो आर्थिक विकास तथा एमसीसी परियोजना कार्यान्वयनका विषयमा छलफल भएको छ । फतिमाले एमसिसीका विषयमा नेपालमा भएका चर्चाका बिषयमा चासो व्यक्त गरेकी थिइन् ।
भेटमा मन्त्री भुसालले नेपाल–अमेरिकाबीच रहेको आपसी सम्बन्ध बलियो रहेको उल्लेख गर्दै एमसिसीका सन्दर्भमा राजनीतिक सहमती र जनताको चाहना अनुसार निष्कर्षमा पुगिने बताइन् ।
बहुपक्षीय दातृ निकायबाट सहयोगबाट नै विकास प्रक्रियालाई अगाडि बढाएको बताउदै भुसालले आगामी दिनमा पनि अमेरिकाबाट थप सहयोग पाउनेमा विश्वास व्यक्त गरिन् ।
बिहिबार नेपाल आएको फतिमा नेतृत्वको प्रतिनिधिमण्डलले सोही दिन एमाले अध्यक्ष केपी शर्मा ओली, नेकपा एकीकृत समाजवादीका अध्यक्ष माधवकुमार नेपाल, जनता समाजवादी पार्टीका संघीय परिषद अध्यक्ष डा. बाबुराम भट्टराई र अध्यक्ष उपेन्द्र यादवलाई पनि भेट गरेको थियो ।
यस्तै शुक्रबार पनि फतिमा नेतृत्वको प्रतिनिधिमण्डलले माओवादी केन्द्रका अध्यक्ष पुष्पकमल दाहाल ‘प्रचण्ड’लाई भेट गरिसकेको छ ।
