तनहुँको शुक्लागण्डकी नगरपालिका –८ स्थित रकगार्डेनमा टिकटक बनाउने क्रममा नदीमा खसेर स्थानीय एक युवती बेपत्ता हुनुभएको छ । बेपत्ता युवती भिमाद नगरपालिका–१ की १९ वर्षीया पवित्रा लम्साल भएको जिल्ला प्रहरी कार्यालय तनहुँका डिएसपी युवराज तिमिल्सिनाले जानकारी दिनुभयो । लम्साल नदीमा खसेपछि साथीहरुले प्रहरीलाई खबर गरेका थिए । सेती नदी किनारस्थित सो गार्डेन नजिकै लालिमा माइती घर भएकी लम्साल मङ्गलबार दिउँसो साथीहरुसँग टिकटक बनाउन जानुभएको थियो ।
साथीहरुले टिकटक बनाउन नदीको धेरै छेउमा नजाउ भन्दा पनि पनि नमानेकी भिडियो सुनिएकोले टिकटक बनाउने क्रममा खसेको अनुमान प्रहरीको छ । साथीहरुलाई टिकटक भिडियो खिच्न लगाएर लम्साल गार्डेनबाट नदी नजिकको भागमा जानुभएको थियो । प्रहरीका अनुसार साथीहरुले नदीको नजिकको भागमा नजान भनेर चिच्चाएर कराउँदा पनि लम्साल अटेर गरी गएको भिडियोमा देखिएको छ ।
बेपत्ता लम्सालको स्थानीय बासिन्दा र प्रहरीद्धारा खोजी भइरहे पनि बुधबार बिहानसम्म फेला नपरेको डिएसपी तिमिल्सिनाले बताउनुभयो । पाँच दिन अघि विवाह गरेकी लम्साल दुल्हन फर्काउन माइत आउनुभएको थियो । टिकटक बनाउने क्रममा अचानक चिप्लिएर बेपत्ता हुनुभएको थियो । ढुङ्गामा उभिएकी र चिप्लिएर नदीमा खसेको उनका साथीहरुले बताएको जिल्ला प्रहरी कार्यालयले जनाएको छ । नदीमा खसेपछि साथीहरुले प्रहरीलाई खबर गरेका थिए ।
