काठमाडौं – आगामी निर्वाचनमा मतपत्रमा चुनाव चिह्न हरियो रंगको हुने भएको छ । सोमबार निर्वाचन आयोगले पत्रकार सम्मेलनमार्फत मतपत्रमा हुने चुनाव चिह्न बारे जानकारी गराएको हो । आयोगले पत्रकार सम्मेलनमार्फत अबको मतपत्रमा निर्वाचन चिह्न हरियो रङको हुने बताएको हो ।
यस्तै आयोगका सूचना अधिकारी सूर्यप्रसाद अर्यालले निर्वाचनसम्बन्धी छपाई सामग्रीहरु निर्वाचन प्रचारप्रसार सामग्री, निर्देशिका, फारम आदि छपाइका लागि छापाखानाहरु र सामग्री ढुवानी व्यवस्थापनका लागि हेलिकप्टर, ट्रक तथा कुरियर सेवा लिन सम्बन्धित फर्म संस्थाहरु सूचिकृतका लागि सार्वजनिक सूचना गरिएको बताए ।
उनले मतदाता नामावली अद्यावधिक दाबी बिरोधको समेत कार्यक्रम २०७८ अन्तर्गत मतदाता नामावलीमा रहेको त्रुटी सच्याउन निवेदन दिने, झुटो विवरण दिइ नामावलीमा नाम समावेश गरेको भए सोको बिरोधमा उजुरी दिने लगायतका बिषयमा निवेदन दिन आग्रह गर्ने पनि बताए ।
