भरतपुर महानगरपालिकाले ‘मेयरसँग बालबालिका कार्यक्रम’अन्तर्गत सोमबार भरतपुर २१ का बालबालिकाहरुलाइ न्यानो कपडा बितरण गरेको छ ।
भरतपुर २१ रगिलामा रहेको आधारभूत बिद्यालय रगिला र राष्ट्रिय प्राथमिक बिद्यालय सितापुर स्कुलमा पुगेर न्यानो कपडा बितरण गरेको महानगरपालिकाले जनाएको छ ।
आधारभूत बिद्यालय रगिलामा ८१ जनालाइ र राष्ट्रिय प्राथमिक बिद्यालय सितापुरका २८ जनालाइ बालबालिकाललाइ न्यानो कपडा बितरण गरिएको हो । मेयर सग बालबालिका कार्यक्रम मुलत बालबिकास देखि कक्षा ५ सम्मका बालबालिकाहरु प्रती लक्ष्यित छ ।
कार्यक्रममा न्यानो कपडा बितरण गर्नु हुँदै भरतपुर महानगरका उप प्रमुख चित्रसेन अधिकारीले अब कुनै पनि बालबालिका चिसो बाट प्रभावित हुन नपर्ने बताउनु भयो । चिसोबाट थप कोहि पनि प्रभावित हुन नपरोस् भन्ने हेतुले भरतपुर महानगरले स साना बालबालिकाहरुलाइ लक्ष्यित गरेर न्यानो कपडा बितरण गरेको उप प्रमुख अधिकारीको भनाइ रहेको छ ।
केही दिन अघि देखि चितवन सहित देशै भरिको मौसममा परिवर्तन आएको छ । जाडो बढे सगै भरतपुर लगाएतका स्थानहरुमा दिउँसै आगो बालेर बस्नेहरुको लर्को देखिन्छ । विशेष गरि तराइ जिल्लाका नागरिकहरु बढी मात्रमा चिसोबाट प्रभावित भएको देखिन्छ । चिसोले अझ बढी मात्रमा साना बच्चाहरुलाइ प्रभावित बनाएको बाल चिकित्सकहरुले बताएका छन ।
बालरोग बिषेशज्ञ डा आमोद बहादुर थापा बच्चाहरुलाइ चिसोबाट जोगाउनको लागि विशेषगरि न्यानो कपडामा ध्यान दिनुपर्ने तर्क राख्नु हुन्छ । बिहानको खुल्ला आकाश र शितबाट मात्रै भएपनी बच्चाहरुलाइ जोगाउन सकिएको खण्डमा बच्चाहरु चिसोबाट थप प्रभावित हुन नपाउने डा थापाको भनाइ छ । यदि बच्चाहरुलाइ चिसो भएको कुनै लक्ष्यण देखिएमा तुरुन्त चिकित्सकको सल्लाह अनुसार औसधि सेवन गराउनु पर्ने डा थापाको भनाइ छ ।
यस अघि भरतपुर महानगरपालिकाले ‘मेयरसँग बालबालिका कार्यक्रम’अन्तर्गत कक्षा १ देखि ५ सम्मका नौ सय ३४ विद्यार्थीलाई न्यानो कपडा वितरण गरिसकेको छ । यस आर्थिक वर्षमा न्यानो कपडा वितरणका लागि रु १५ लाख बजेट विनियोजन गरिएको छ ।
