बलिउड सुपरस्टार सलमान खान यतिबेला आफ्नो आगामी फिल्म ‘किसी का भाई किसी की जान’ लाई लिएर चर्चामा छन् । फिल्म रिलिज हुनुअघि सलमान एक अवार्ड शोको पत्रकार सम्मेलनमा सहभागी भएका थिए । पत्रकार सम्मेलनमा दबंग खानले खुलेर कुरा गरेका छन् । कुराकानीका क्रममा सुपरस्टारले बलिउड फिल्मका बारेमा कुरा गरे । बक्स अफिसमा फिल्म लगातार फ्लप हुनुको कारण के हो भन्ने पनि बताए ।
अवार्ड शोको पत्रकार सम्मेलनमा फ्लप हिन्दी फिल्मको बारेमा कुरा गर्दै सलमान भन्छन्, ‘गलत फिल्म बनाइँदै छ । जसका कारण उनीहरु बक्स अफिसमा फ्लप भएका छन् । चलचित्र निर्माताले आफूले उत्कृष्ट चलचित्र बनाइरहेको महसुस गरेपनि त्यस्तो होइन ।’
उनी भन्छन्, ‘हाम्रा हिन्दी फिल्म चल्दैनन् भन्ने कुरा लामो समयदेखि भन्दै आएको छु । यदि तपाइँ खराब फिल्म बनाउनुहुन्छ भने यसले कसरी काम गर्छ ? अहिले सबैको दिमागमा हुन्छ कि हामी ‘मुगल-ए-आजम’ बनाइरहेका छौं, ‘शोले’ बनाइरहेका छौं, ‘हम आपके है कौन’ र ‘दिलवाले दुल्हनिया’ जस्ता फिल्महरू बनाइरहेका छौं। तर त्यस्तो बन्दैन । मैले केही निर्देशकहरूलाई भेटेको छु। उनीहरूले भारत भनेर अन्धेरीदेखि कोलाबासम्म बुझेका छन्। त्यो भारत होइन। हिन्दुस्तान रेलवे स्टेशनको अर्को छेउमा छ। आजका निर्देशकहरू राम्रो फिल्म बनाउने सोच्छन्। तर यस्तो हुदैन ।’
अझ हाँस्दै सलमान खानले आफ्नो आगामी फिल्म ‘किसी का भाई किसी की जान’ को प्रमोशन पनि गरेका छन् । उनी भन्छन्, ‘फिल्म २१ अप्रिलमा रिलिज हुँदैछ । सबैजना चलचित्र हेर्न जानुहोस्। धेरै मिहिनेत गरेर बनाएको हो । यो क्लिप नबिर्सनुहोस्, नत्र पछि तपाई कति बोल्नुहुन्थ्यो र तपाई आफैले कस्तो फिल्म बनाउनुभयो भन्नुहुनेछ। सलमानको कुरा सुनेर त्यहाँ उपस्थित मानिसहरु चर्को स्वरमा हाँस्न थाले ।
‘किसी का भाई किसी की जान’ फरहाद सामजीले निर्देशन गरेका हुन् । फिल्मका निर्माता सलमान खान हुन् । फिल्मको कथा भाइजान (सलमान खान) को जीवनमा आधारित छ । भाइजान एक इमानदार व्यक्ति हुन्, जसले विवाद सुल्झाउन हिंसाको प्रयोग गर्छन्। तर आफ्नी प्रेमिकाको आगमन पछि, उनले सुधार गर्ने निर्णय गर्छन्।
‘किसी का भाइ किसी की जान’ बहु स्टारर फिल्म हो। सलमान खान र पूजा हेगडे स्टारर फिल्ममा राघव जुयाल, शहनाज गिल, पलक तिवारी, सिद्धार्थ निगम र जस्सी गिल जस्ता स्टारहरू पनि महत्त्वपूर्ण भूमिकामा देखिनेछन्।
