भाषा, सभ्यता, संस्कृति, भेष–भुषा आदिको संरक्षण गर्ने उदेश्यले आयोजना हुँदै आइर्रहेको मिस गुरुङ्ग इन्टरनेसनल सौन्दर्य प्रतियोगिताको पाचौँ सस्करण मृगतृष्णा फेसन हाउसले यही भाद्र १० गते देखी सुरु गर्दैछ । मिस गुरुङ्ग इन्टरनेसनल पाचौँ सस्करणको अडिसन काठमाडौं, पोखरा, चितवन, बुटवल, गोरखा, इटहरी र सिक्किममा समेत हुने कुरा आयोजक संस्थाकि अध्यक्ष तृष्णा गुरुङले जानकारी गराइन |
छानेका उल्लेखित शहरहरुबाट छानिएर आएका प्रतियोगिहरुलाई काठमाडौंमा ब्यक्तित्व बिकास, भाषा–संस्कृति, जीवन बिज्ञान लगायतका बिभिन्न बिषयहरुमा सम्बन्धित क्षेत्रका बिशेषज्ञहरुबाट २१ दिने तालिम तथा ज्ञान प्रदान गरिएसँगै उनीहरुलाई बिभिन्न सामाजिक कार्यहरुमा समेत संलग्न गराए पश्चात एक बिशेष समरोहका बीच असोज २९ गते “मिस गुरुङ्ग इन्टरनेसनल” लगायत बिभिन्न शीर्षकका बिजेताहरु घोषणा गरिनेछ ।
मिस गुरुङ्ग इन्टरनेसनल पाचौँ सस्करणमा सहभागी प्रतियोगिहरुलाई बर्षभरी नै बिभिन्न सामाजिक, सांस्कृतिक कार्यक्रमहरुमा सहभागी गराउनुका साथै फेसन शो, म्युजिक भिडियो लगायतका आय–आर्जन मुलक ब्यवसायिक गतीबिधीहरुमा समेत क्षमता अनुसारको अवसर प्रदान गरिनुका साथै title winner लाई नगद पुरस्कार सहित अष्ट्रेलियामा हुने हेरिटेज फेसन शोमा showstopper को रूपमा सहभागी हुने अवसर प्रदान गरिने छ ।
यस प्रतियोगितामा मिस गुरुङ्ग इन्टरनेसनल सहित, मिस गुरुङ्ग इन्टरनेसनल पपुलर, 1st Runner Up, 2nd Runner up, Miss Talent, लगायत उपाधी बिजेताहरुलाई उचित नगद पुरस्कार प्रदान गरिने कुरा आयोजकले जानकारी गराएका छन | मिस गुरुङ्ग इन्टरनेसनल पाचौँ सस्करणमा अनलाइन भोटिङ्ग पाट्र्नरको रुपमा OSR Connect रहेको छ भने प्रतियोगिता ब्यवस्थापनको जिम्मा B&B Event Mania ले लिएको छ ।
