कञ्चनपुर । कञ्चनपुरको दोधारा चाँदनी नगरपालिका–४ र भीमदत्त नगरपालिका–१३ जोड्ने झोलुङ्गे पुलको पिल्लर भाँचिएपछि पुलबाट हुने आवतजावत पूर्णरूपमा अवरुद्ध भएको छ ।
Advertisement
मिति २०८३ असोज १४ गते राति उक्त पुलको पिल्लर नं. ३ भाँचिएको हो ।
करिब १ हजार ४५३ मिटर लामो पुलका ८ वटा पिल्लरमध्ये एउटा पिल्लर भाँचिँदा पुलको करिब ६ मिटर भागसमेत भत्किएको जनाइएको छ ।
पुलको उक्त भाग भत्किएपछि हाल पुलबाट पैदल तथा अन्य आवतजावत पूर्णरूपमा बन्द भएको छ ।
घटनापछि सम्बन्धित निकायले पुलको अवस्थाबारे आवश्यक निरीक्षण तथा व्यवस्थापनको काम अघि बढाउने जनाएको छ ।
