काठमाडौं । सर्वोच्च अदालतको मुद्दा फाँटमा फेरी आगलागी भएको छ ।
Advertisement
बुधबार बिहान आगलागीका कारण महत्वपूर्ण कागजात, कुर्सी, टेबललगायत जलेर नष्ट भएको सर्वोच्च स्रोतले जानकारी दिएको छ ।
आगलागी विद्युत् शर्ट भएर भएको बताइएको छ । आगलागीबाट कागजातसहित फाँटमा रहेका फर्निचर पनि जलेका छन् । सर्वोच्चको नयाँ भवनको भुइँतलामा रहेका २० र २१ नम्बर फाँटमा आगलागी भएको हो ।
यसअघि सर्वोच्चमा दुई साताअघि पनि अन्डरग्राउन्डमा रहेको कार्यालयमा आगलागी हुदा महत्वपूर्ण कागजपत्र जलेका थिए, जसको अनुसन्धान जारी रहेकै बेला फेरी आगलागी भएको छ ।
