काठमाडौं । काठमाडौं महानगरपालिका–४, बालुवाटारस्थित नेपाल हाउस रेस्टुरेन्टमा जुवातास खेलिरहेको अवस्थामा ९ जना पक्राउ परेका छन्।
जिल्ला प्रहरी परिसर काठमाडौंका अनुसार आइतबार राति करिब २ बजे जुवातास खेलिरहेको भन्ने सूचनाका आधारमा प्रहरी वृत्त मालीगाउँबाट खटिएको टोलीले उनीहरूलाई नियन्त्रणमा लिएको हो।
प्रहरीले जुवाखालबाट ६ लाख ८५ हजार १९५ रुपैयाँ नगद र १० थान मोबाइल फोन बरामद गरेको जनाएको छ।
पक्राउ पर्नेमा काठमाडौं महानगरपालिका–४ का ४१ वर्षीय सुनिल श्रेष्ठ, ३७ वर्षीय सहिद महमद, २८ वर्षीय सरोज कार्की, बुढानीलकण्ठ नगरपालिका–१२ का ३१ वर्षीय सोनाम शेर्पा, ललितपुर महानगरपालिका–२५ का २२ वर्षीय अनिल लामिछाने, काठमाडौं महानगरपालिका–२ का ३७ वर्षीय गणेशमान श्रेष्ठ, ४ का ३४ वर्षीय अनिल भण्डारी, संखुवासभा सभापोखरी गाउँपालिका–६ का ३५ वर्षीय ताराविर तामाङ र सोलुखुम्बु नेचासल्यान गाउँपालिका–३ का २१ वर्षीय महेन्द्र खनाल रहेका छन्।
घटनाबारे प्रहरीले थप अनुसन्धान गरिरहेको जनाएको छ।
