काठमाडौं । नेकपा एकता फेरि संकटमा परेको छ । बुधबार संस्थापन पक्षको बैठकले १०औँ महाधिवेशन आयोजक कमिटीलाई केन्द्रीय कमिटीमा रुपान्तरण गरेको थियो ।
असन्तुष्ट माधवकुमार नेपाल समूहको माग पूरा गर्ने र अदालतको आदेश कार्यान्वयन गर्ने उद्देश्यले १०औँ महाधिवेशन आयोजक कमिटीलाई केन्द्रीय कमिटीमा रुपान्तरण गरेर शुक्रबार बैठक बोलाइको छ ।
केन्द्रीय कमिटीलाई सक्रिय बनाएसँगै नवौँ महाधिवेशनबाट निर्वाचित र चयन भएका पदाधिकारी र सदस्यहरुलाई अस्तित्वमा आएका छन् भने संस्थापन पक्षले नेपाल समूहका नेताहरुमाथि गरेको कारबाही पनि निःस्प्रभावी भएको छ ।
तर, यथास्थितिमा शुक्रबारका लागि बोलाइएको केन्द्रीय कमिटीको बैठकमा नेपाल समूह सहभागी नहुने निर्णयमा पुुगेको छ । भोलि शुक्रबारको बैठककाबारे एमालेले माधवकुमार नेपालसहितका नेताहरुलाई इमेल पत्र, एसएमएसमार्फत जानकारी दिइएको थियो ।
तर, बिहीबार बसेको नेपाल समूहको बैठकले यथास्थितिमा केन्द्रीय कमिटी बैठकमा सहभागी हुन बालुवाटार नजाने निर्णय गरेको हो । नेपाल समूहले प्याकेजमा सहमति हुनुपर्ने र आफूहरुको सल्लाहमा बैठक डाकिनुपर्ने बताएको छ ।
