इमान्दारिता र अनुशासनलाई पालना गर्ने विद्यार्थी शक्तिको आवश्यकता, कुलमान घिसिङ प्राज्ञिक विद्यार्थी परिषद्को आठौँ राष्ट्रिय अधिवेशनमा नेपाल विद्युत प्राधिकरणका पूर्व प्रमुख कार्यकारि निर्देशक कुलमान घिसिङले देश परिर्वतन गर्नका लागि असल इमान्दारिता र अनुशासनलाई पालना गर्ने विद्यार्थी शक्तिको आवश्यकता भएको कुरा बताउनु भएको छ ।
नेपाल विद्युत प्राधिकरणको महत्वपूर्ण जिम्मेवारी पुरा गर्दै नेपाललाई लोडसेडिङ मुक्त गरेका कुलमान घिसिङजीले विद्यार्थी परिषद्को नाम जति राम्रो र यहाँ आएर र कार्यक्रम हेर्दा त्यतिनै राम्रो सभ्य र व्यवस्थित रहेको कुरा व्यक्त गर्दै यसले देशमा राम्रो काम गरिरहेको कुरामा खुशि व्यक्त गर्दै अधिवेशन सफलताको शुभकामना व्यक्त गर्नु भएको थियो । शिक्षा क्षेत्रमा राजनीतिम दलदेखि माथि उठेर निरन्तर समाजको युवा शक्तिहरू र विद्यार्थीहरुलाई असल नैतिकवान, चरित्रवान र रचनात्मक कार्य गर्द आई रहेको विद्यार्थी परिषद्को राष्ट्रिय अध्यक्ष प्रा.डा.रामजी गौतमले बताउनु भयो ।
नेपालको औद्योगिक नगरि विराटनगरमा आयोजना भएको विद्यार्थी परिषद्को आठौँ राष्ट्रिय अधिवेशनको उद्घाटन समारोहका प्रमुख अतिथि उज्यालो नेपालका अभियानता, नेपाल विद्युत प्रधिकरणका पुर्व प्रमुख कार्यकारि निर्देशक कुलमान घिसिङ, विशिष्ठ अतिथि राष्ट्रिय स्वयम सेवक संघका राष्ट्रिय प्रचार प्रमुख सुनिल अम्बेकर,विद्यार्थी परिषद्का राष्ट्रिय अध्यक्ष प्रा.डा. रामजी गौतम, राष्ट्रिय महासचिव सुरेन्द्र प्रसाद भट्ट, व्यवसायी, वेणीगोपाल मुन्दडा, समाजसेवी, नोवेल मेडिकल कलेजका कार्यकारि निर्देशक इन्दिरा शर्मा, विद्यार्थी परिषद्का प्रदेश अध्यक्ष चिन्तामणी बस्नेत, प्रदेश सचिव कटुवाल, लगायत विद्यार्थी परिषद्का राष्ट्रिय पदाधिकारी साथै समाजका सामाजिक, धार्मिक र देशभरका युवाहरूको विशेष उपस्थिति रहेको थियो ।
