चितवन, चैत ३१
वाग्मती प्रदेशका सांसद विजय सुवेदीले अयोध्याधामको निर्माण गर्दा वाल्मीकिदेखि ठोरीसम्मका धार्मिक, ऐतिहासिक र पुरातात्विक महत्वका स्थलहरुको स्तरन्नोती गर्दै अगाडि बढ्नुपर्ने आवश्यकता औंल्याएका छन् ।
अयोध्या धाम व्यवस्थापन समितिको अयोजनामा मंगलबार अयोध्याधाममा भएको छलफल कार्यक्रममा सांसद सुवेदीले प्रधानमन्त्रीको अभियानलाई गन्तव्यमा पु¥याउने कार्यमा सबैले सहयोग गर्नुपर्ने विचार राखे ।
छलफल कार्यक्रममा राष्टपति कार्यालयका सल्लाहकार खेमचन्द्र ढकालले नेपाल इतिहास, पुराण, ज्ञान विज्ञानको उद्गमस्थल बनेको र त्यसमा अयोध्याधामको विशेष महत्व रहेको बताउँदै यसको योजनाबद्ध विकास गर्नुपर्ने आवश्यकता औंल्याए । कार्यक्रममा माडी नगरपालिकका मेयर ठाकुरप्रसाद ढकालले अयोध्याधामको निर्माणले माडीका अन्य तीर्थस्थलहरुको महत्व बढेर जाने भएकोले हल्लाको पछाडि नलागेर माडीवासीलाई निर्धारित समयमा नै पूरा गर्ने लक्ष्य लिएर अगाडि बढ्नुपर्ने आवश्यकता रहेको बताए ।
अयोध्या धाम व्यवस्थापन समितिका अध्यक्ष तीर्थ भुसालको अध्यक्षतामा सम्पन्न छलफल कार्यक्रममा माडी नगरपालिकाकी उपमेयर ताराकाजी महतो, अयोध्या अध्ययन अनुसन्धान र व्यवस्थापन समितिका संयोजक नारदमणि पौडेल, माडी नगरपालिका प्रवक्ता शिवहरि सुवेदीलगायत उपसमितिहरुले आ–आफ्नो तयारीका बारेमा जानकारी गराएका थिए ।
कार्यक्रमलाई व्यवस्थित रुपमा सम्पन्न गर्नको लागि सहमतिबाट विभिन्न उपसमिति निर्माण गरिएको छ । निर्माण , प्रचार प्रसार, अतिथि सत्कार, मञ्च व्यवस्थापन, पूजा व्यवस्थापन, झाँकी व्यवस्थापन लगायत ११ वटा उपसमितिहरु मार्फत कामहरु भइरहेको अयोध्याधाम व्यवस्थापन समितिका अध्यक्ष तीर्थ भुसालले जानकारी दिए ।
अयोध्या धाममा निर्माणका कार्यहरु अगाडि बढेपछि नगद तथा जिन्सी सहयोगहरु आउन थालेका छन् । सहयोगलाई व्यवस्थि गर्नको लागि गोल्बल आईएमई बैकमा अयोध्याधाम व्यबस्थापन समितिको नामबाट ३०१०१००००५०८ खाता सञ्चालन भएकोले सहयोग गर्न अयोध्याधाम व्यवस्थापन प्रचारप्रसार उपसमितिका संयोजक श्रीप्रसाद दवाडीले जानकारी दिए ।
