तनहुँ । तनहुँको भिमाद नगरपालिका–५ शीतलमार्गस्थित भित्री सडकखण्डमा मोटरसाइकलको ठक्करबाट तीन वर्षीय बालकको मृत्यु भएको छ ।
Advertisement
मंगलबार बिहान करिब ८:५० बजे भिमादबाट ऋषिङपाटनतर्फ जाँदै गरेको गण्डकी प्रदेश ०३–००१ प १०६७ नम्बरको मोटरसाइकलले स्थानीय तीन वर्षीय स्वरूप गैरेलाई ठक्कर दिएको थियो । दुर्घटनामा परी घाइते भएका बालकलाई उपचारका लागि जीपी कोइराला राष्ट्रिय श्वासप्रश्वास उपचार केन्द्र, झरौटा लगिएको थियो ।
उपचारकै क्रममा बिहान ९:५६ बजे चिकित्सकले बालकलाई मृत घोषणा गरेका थिए ।
दुर्घटनापछि प्रहरीले मोटरसाइकल र चालकलाई नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ ।
