चितवन । पर्साको ठोरी गाउँपालिका–४ बाट बिरामी लिएर चितवनतर्फ आउँदै गरेको एम्बुलेन्सलाई माडी क्षेत्रमा खोलाले बगाएको छ ।
Advertisement
आज बिहान माडी क्षेत्रमा परेको भारी वर्षापछि बगही खोलाको सहायक खोलामा आएको बाढीले एम्बुलेन्स बगाएको हो । घटनाबारे माडी गाउँपालिकाकी उपाध्यक्ष गोकुलीकुमारी रेग्मीले जानकारी दिएकी हुन् ।
उनका अनुसार एम्बुलेन्समा चालकसहित तीन जना सवार थिए । खोलाले एम्बुलेन्स बगाए पनि उनीहरू सबै सकुशल रहेको उनले बताइन् ।
भारी वर्षाका कारण माडी क्षेत्रका विभिन्न खोलानालामा पानीको बहाव बढेकाले आवतजावतमा समेत समस्या भएको छ ।
